QR Aqparat jáne qoǵamdyq damý ministri Aida Balaeva Ózbekstan Respýblikasy kinematografiia agenttiginiń bas direktory Firdavs Abdýhalikovpen kezdesý ótkizdi, dep habarlaidy "Ult aqparat".
Ministr televiziialyq serialdar, derekti filmder óndirisin qamtamasyz etý jáne prodakshn-indýstriiany damytý boiynsha júrgizilip jatqan jumystar týraly aityp berdi.
Óz tarapynan Firdavs Abdýhalikov Ministrdi Ózbekstandaǵy kinematografiia salasynyń jai-kúii, perspektivalarymen tanystyrdy.
Taraptar eki eldiń telearnalarynda kórsetý úshin kino ónimdermen almasý, birlesken televiziialyq jobalar qurý máselelerin talqylady.
Kezdesý qorytyndysy boiynsha taraptar eki eldiń kinematografiia jáne teledidar ónimderi salasyndaǵy yntymaqtastyǵyn odan ári damytýǵa niet bildirdi.
