Búgin QR Aqparat jáne qoǵamdyq damý ministri Aida Balaeva kinosynshylarmen kezdesti, dep habarlaidy "Ult aqparat" ministrliktiń baspasóz qyzmetine silteme jasap.
Balaeva ministrlik telehikaialar óndirisi boiynsha smetalyq qarjylandyrý máselesine qatysty jumys pysyqtalyp otyrǵandyǵy jáne prodakshnderdiń kásipqoilyq deńgeii negizinde irikteý maqsatynda memlekettik aqparattyq tapsyrysty úlestirý erejelerin ózgertý josparlanyp otyrǵandyǵy týraly habardar etti.
«Sheteldiń, eń aldymen ózimiz de tanysqan Túrkiianyń tájiribesi kórsetip otyrǵandai, telehikaialardyń ideologiialyq mazmuny men sapasyn arttyrý aspektilerinde tek kinoserialdyq óndiris kesheniniń barlyq qatysýshylary birikkende ǵana, iaǵni stsenarist pen rejisserden bastap synshy-retsenzentke deiin, bul salada edáýir nátije kórsetýimiz múmkin. Bul protsesterge kinosynshylar institýty qatyspai, qazaqstandyq telehikaialar mádeni periferiiada qala bermek», - dedi ministr.
Is-sharanyń sońynda Aida Balaeva ministrlik telehikaia ónimi salasyn damytý máselesi boiynsha syndarly usynystarǵa ashyq ekenin atap ótti.
«Aqparat jáne qoǵamdyq damý ministrligi telehikaialardyń kásibi oryndalýy men ideologiialyq mazmunynyń sapasyn arttyrý maqsatynda sizderdi yntymaqtastyqqa shaqyrady» - dedi ol.
