Búgin Aqparat jáne qoǵamdyq damý ministri Aida Balaeva vedomstvonyń jetekshilik etetin máseleleri boiynsha diplomatiialyq korpýs ókilderi úshin brifing ótkizdi, dep habarlaidy "Ult aqparat".
Brifing QR Prezidenti janyndaǵy Ortalyq kommýnikatsiialar qyzmetiniń konferents-zalynda ótti. Onyń jumysyna taiaý jáne alys shet memleketterdiń, halyqaralyq uiymdardyń 100-den astam ókilderi qatysty, olar baiandamalardy onlain tyńdai aldy, onyń ishinde 30-ǵa jýyǵy oflain-formatta qatysty.
«Ashyqtyq pen syndarly dialog – Ministrligimizdiń basty ustanymy. Sonymen qatar, el Prezidenti usynǵan «Halyq únine qulaq asatyn memleket» tujyrymdamasynyń iske asyrýy bastalǵannan beri bul qaǵidat bizdiń ministrlik jetekshilik etetin barlyq salalarda jańa serpin berdi», — dep atap ótti Aida Balaeva baiandamanyń basynda.
Máselen, ministrdiń óz qatysýymen 15-ke jýyq dialog alańdary turaqty jumys isteidi, olardyń quramy, - úshten ekisi qoǵamdyq belsendiler, sarapshylar, beiindik úkimettik emes uiymdardyń ókilderinen turady. Aida Balaeva bul alańdarda QR AQDM qyzmetiniń negizgi baǵyttaryn anyqtaityn tiimdi sheshimder qabyldanatynyn atap ótti.
Ministr diplomatiialyq korpýs pen halyqaralyq uiymdar ókilderine Ministrliktiń aqparat, azamattyq qoǵam, jastar jáne otbasy, etnosaralyq jáne diasporalyq saiasat, sondai-aq din salasynda júrgizip jatqan jumystary týraly baiandady.
Aida Balaeva aqparat, qoǵamdyq keńester máseleleri boiynsha jańa zańnamalyq ózgerister men túzetýlerge, sondai-aq Memleket basshysy Qasym-Jomart Toqaevtyń tapsyrmasy boiynsha qoǵamdyq baqylaý, onlain-petitsiia institýtyn zańdastyrý, kommertsiialyq emes uiymdar, dini qyzmet jáne dini birlestikter, memlekettik jastar saiasaty máseleleri boiynsha jańa zańnamalyq bastamalar týraly egjei-tegjeili toqtaldy.
Sonymen qatar, ol ótken jyly QR Prezidentiniń Jarlyǵymen bekitilgen Azamattyq qoǵamdy damytý tujyrymdamasyn, sondai-aq 2020-2022 jyldarǵa arnalǵan aqparat salasyn damytýdyń ulttyq josparyn iske asyrý, media sala mamandaryn oqytý, pandemiia jaǵdaiynda buqaralyq aqparat quraldaryn qoldaý sharalary jáne infodemiia jaǵdaiynda feikterdiń taralýyna qarsy kúres sharalary týraly aityp berdi.
Ministrdiń sheteldik diplomattarmen kezdesýi sheńberinde «Azamattyq bastamalardy qoldaý ortalyǵy» KEAQ jáne «Rýhani jańǵyrý» QQDI» KEAQ qyzmetiniń prezentatsiiasy ótkizildi.
«ABQO» KEAQ Basqarma tóraiymy Lima Dias Qazaqstandaǵy memleket pen ÚEU ózara is-qimyl mehanizmin jetildirý týraly materialdardy tanystyrdy.
«Rýhani jańǵyrý» QQDI» KEAQ Basqarma tóraǵasy Asylbek Esenbaev Elbasy Nursultan Nazarbaevtyń «Bolashaqqa baǵdar: Rýhani jańǵyrý» baǵdarlamalyq maqalasyn ilgeriletý strategiiasyn iske asyrý týraly aityp berdi.
Shet memleketterdiń ókilderi Qazaqstandaǵy aqparat salalary men azamattyq qoǵamnyń ózekti damýy týraly tolyq aqparat alýǵa múmkindik úshin rizashylyqtaryn bildirdi.
QR Aqparat jáne qoǵamdyq damý ministrliginiń brifingi QR Syrtqy ister ministrliginiń kómegimen uiymdastyryldy.
Atalǵan is-sharanyń maqsaty Memleket basshysy Qasym-Jomart Toqaevtyń eldegi saiasi jáne áleýmettik-ekonomikalyq reformalardyń júzege asyrylý barysymen tanysý ekendigin atap ótý qajet.
