Aqparat jáne qoǵamdyq damý ministri Aida Balaeva qazaqstandyq telearnalardaǵy Olimpiada transliatsiiasyna qatysty máselege túsinik berdi, - dep habarlaidy Tengrinews.kz.
Redaktsiia tilshisimen áńgime barysynda ministr sporttyń naǵyz jankúierleriniń nege kóńili tolmai otyrǵanyn túsinetinin aitty.
"Sondyqtan eń aldymen qazaqstandyq jankúierlerden qolaisyzdyqtar úshin keshirim suraimyn", - dedi ministr.
Aida Balaeva Olimpiada oiyndarynyń transliatsiiasy quqyǵyna qatysty keibir máseleni túsindire ketti.
"Basty sporttyq sharanyń transliatsiiasyn júrgizý quqyǵyn alý keshe emes, Olimpiadadan buryn bastalǵan. Kelissóz sońǵy sátke deiin júrgizildi. Biýdjettiń árbir teńgesi úshin kúrestik. Biz tipti nashar jaǵdaiǵa - transliatsiianyń múlde bolmaýyna daiyn boldyq. Sondyqtan sportshylarymyzdyń óner kórsetýi kezinde nátijeleri men mátin transliatsiialary bar balama aqparat kózderin daiyndaýdy qarastyrdyq. Biraq qazir aqparattyq vakýým ýaqyty emes. Ekinshi jaǵynan, biz kóptegen aqparat kóziniń bolýyna jáne oǵan memlekettik monopoliianyń is júzinde bolmaýyna qaramastan, dástúrli televiziialyq BAQ-tyń kórermen úshin roli men mańyzy ózektiligin joǵaltpaǵanyna taǵy da kóz jetkizdik", - dedi Balaeva.
Aida Balaeva avtorlyq quqyq iesi transliatsiia úshin joǵary baǵa qoiǵanyn rastady.
"Kelissózder kezinde baǵasyn aitarlyqtai túsirdik, osylaisha tikelei efir júrgizý quqyǵyn aldyq. Iá, tehnikalyq aqaý baryn moiyndaimyn, biraq biz máseleni sheshý úshin 24/7 jumys istep jatyrmyz", - dedi Balaeva.
Sonymen qatar, ministr qazaqstandyqtar 26 shildede nelikten sportshylardyń ónerin tamashalai almaǵanyn túsindirdi.
"Mysal keltireiin. 26 shildede dziýdodan biliktilik sessiiasyn kórsetý jaǵdaiyn alaiyq. Dziýdonyń Olimpiada oiyndaryndaǵy tańǵy biliktilik sessiiasy eki tatamide ótedi. Bireýinde áiel adamdar, ekinshisinde er adamdar. Olimpiada oiyndarynyń host-habar taratýshysy - OBS-15 MDS arnalarynda signal beredi. Tańerteń áielder arasyndaǵy biliktilik signaly MDS1 arnasynda, erler arasyndaǵy biliktilik signaly MDS11 arnasynda berildi, oǵan bizdiń operatorlarymyz múmkindik ala almady, sebebi búginge deiin telearnalar tek MDS6 arnalaryna jáne 6 ADS arnalaryn aldy. Osyǵan bailanysty, mysaly, Jansai Smaǵulovtyń jekpe-jegin kórsetý múmkin bolmady. Zúlfiia Chinshanlonyń da ónerin bizdiń telearnalar tek beinejazbada kórsete aldy", - dep túsindirdi ministr.
Ministr transliatsiia máselesi sheshilgenin aitty.
"Keshe HOK "Habar" men "Qazaqstandy" resmi habar taratýshylar mártebesinde bekitti, sondyqtan endi barlyq arnaǵa qoljetimdi bolady jáne mundai problemalar budan bylai qaitalanbaýy tiis. Taǵy da qaitalap óteiin, oiyndardyń tolyqqandy kórsetilýin qamtamasyz etý úshin táýlik boiy jumys júrgizilip jatyr.
Kórermenderden taǵy da keshirim suraimyn. Alda sportshylarymyz talai jeńiske jetetinine senimdimin", - dedi Balaeva.
