Búgin QR Aqparat jáne qoǵamdyq damý ministri Aida Balaeva Eýropa Odaǵynyń Orta Aziia boiynsha arnaiy ókili Teri Hakalamen kezdesti, dep habarlaidy "Ult aqparat" vedomstvonyń saityna silteme jasap.
A. Balaeva T.Hakalany Eýropa Odaǵynyń Orta Aziia boiynsha arnaiy ókili laýazymyna jaqynda taǵaiyndalýymen quttyqtap, jemisti jumys tiledi. Ministr Teri Hakala hanymdy ministrlik qyzmetiniń negizgi baǵyttarymen tanystyrdy.
T. Hakala óz kezeginde ministrliktiń mańyzdy rólin atap ótip, qoǵamdyq mańyzy bar jobalardy, sonyń ishinde aldaǵy «Orta Aziia – EO» Azamattyq forýmyn iske asyrý úshin EO institýttary men Orta Aziia memleketteri arasyndaǵy dialogty qoldaýǵa múddeliligin bildirdi.
Kezdesý qorytyndysy boiynsha taraptar ózara tiimdi yntymaqtastyqqa beiil bildirdi.
