Aqparat jáne qoǵamdyq damý ministri Aida Balaeva Buqaralyq aqparat quraldary qyzmetkerleriniń kúnine orai ótken saltanatty jiynda sala ókilderine qajyrly eńbegi úshin alǵys aitty, dep habarlaidy QazAqparat.
Saltanatty sharany ashqan Aida Balaeva BAQ-tyń memleket damýyndaǵy róline qysqasha toqtaldy.
«Buqaralyq aqparat quraldary tek qana aqparatty jetkizetin qural emes, eń bastysy ideologiiamyzdyń, ulttyq qaýipsizdigimizdiń ózegi. Elge qyzmet etýde kúndiz-túni aianbai eńbek etip júrsizder», - dep bastady ministr.
Vedomstvo basshysy jýrnalister daiyndaǵan kásibi materialdardyń arqasynda adamdardyń ómiri qutqarylǵan jaittar da bolǵanyn eske aldy.
«Halyqqa qyzmet – kásibi aqparatty der kezinde jetkizý, memlekettik saiasatty jetkizý. Memlekettik saiasattyń negizinde halyqtyń ál-aýqatyn kóterý, turmysyn sapaly etý jatyr. Sol turǵyda barlyq memlekettik baǵdarlamalar bastamalardyń bári halyqqa jetý máseleleri ózekti. Sonymen qatar kúndelikti halyqtyń kókeitesti máselelerin sheshýde aianbai qyzmet etip kele jatyrsyzdar. Sizderdiń materialdaryńyz arqyly tek qana qoǵamdyq-saiasi, ekonomikalyq ózgerýmen qatar ár jeke adamnyń da ómirin ózgertip, iá bolmasa, ómirin qutqaryp jatqan jaittar bar. Sondyqtan búgingi kásibi merekelerińizben quttyqtaimyn.Árqaisyńyzdyń arttaryńyzda tutas ujym tur. Sizder arqyly sol ujymdaryńyzdy quttyqtaimyn», - degen Aida Balaeva birneshe BAQ ókili men basshylaryna nagradalar tabystady.
