Azamattyq qoǵam institýttary halyqtyń áleýmettik-ekonomikalyq jaǵdaiyn jaqsartýǵa atsalysýy kerek. Bul týraly «Qoǵamdyq senim jáne áleýmettik kapital» atty halyqaralyq onlain konferentsiia barysynda Aida Balaeva aitty, dep habarlaidy QazAqparat.
Halyqaralyq konferentsiia qatysýshylary memlekettik organdar men azamattyq qoǵam arasynda senimdi qarym-qatynas ornatý úshin álýmettik kapitaldyń yqpaly men osy úderisti tejep otyrǵan máselelerdi kóterdi.
«Elbasy belgilep bergen «Rýhani jańǵyrý» baǵdarlamasynyń basymdyqtary men memleket basshysy Qasym-Jomart Toqaev aiqyndap bergen «Halyq únine qulaq asatyn memleket» tujyrymdamasynyń basty maqsattarynyń biri – qoǵamdyq sanany jańǵyrtyp, elimizde jańa saiasi mádenietti qalyptastyrý jáne ózara ornyqtyrý. Sonymen qatar, Prezident bastamasymen qurylǵan Ulttyq qoǵamdyq senim kenesi búgingi tańda halyq pen memleket arasyndaǵy altyn kópirge ainalyp, qoǵamnyń bilikke degen senimin arttyrýǵa yqpal etip otyr. Bul jobalar dala danyshpandary Abai men ál-Farabidiń rýhani muralaryna adaldyǵymyzdy aiǵaqtaidy», – dedi Qazaqstan Respýblikasynyń Memlekettik hatshysy Qyrymbek Kósherbaev.
Óz kezeginde QR Aqparat jáne qoǵamdyq damý ministri Aida Balaeva bul sharanyń ýniversitet qabyrǵasynda ótýi kezdeisoq emes ekenin atap ótti.
«Almaty menedjment ýniversiteti - azamattyq qoǵamnyń damýy men áleýmettik áriptestiktiń nyǵaiýyna erekshe úles qosyp otyrǵan bilim ordasynyń biri. Azamattyq qoǵam institýttary halyqtyń áleýmettik ekonomikalyq jaǵdaiyn jaqsartýǵa qatysýy kerek. Bul mańyzdy. Muny Memleket basshysy Qasym-Jomart Kemeluly Toqaev óz Joldaýynda atap ótti. Prezident halyqtyń memleketke degen senimin arttyrý, «Halyq únine qulaq asatyn» tujyrymdamasy arqyly memleketti qalyptastyrý mindetterin alǵa qoidy», – dedi Aida Balaeva.
Sonymen qatar, ol biyl Memleket basshysynyń jarlyǵymen Qazaqstan Respýblikasynda azamattyq qoǵamdy damytý kontseptsiiasy bekitilgenin jetkizdi.
«Qujat memlekettik organdar men qoǵam arasyndaǵy ózara qarym-qatynastyń basty basymdyqtary men mindetterin, eldegi áleýmettik áriptestikti damytýdyń tetikterin aiqyndaidy», – dedi QR Aqparat jáne qoǵamdyq damý ministri.
