Jarty jyl buryn Prezident Ákimshiliginiń janynan azamattardy qabyldaityn front-ofis qurylǵan edi. Bul jerge óz máselesin sheshý úshin jáne suraǵyna jaýap alý úshin azamattar elimizdiń ár túkpirinen keledi.
Ofistik ǵimarat asa úlken bolmasa da, yńǵaily jáne kópfýnktsionaldy. Kireberiste kútý zaly ornalasqan. Onda Prezident kómekshisiniń qabyldaýyn 40 adam qatar kúte alady. Bólim qyzmetkerleri de sol jerde júrgendikten, kelýshilerdiń ótinishteri men aryzdaryn, ia bolmasa ózge de qaǵazdaryn toltyryp-tekserýge kómektesedi. Ishinde balalarǵa arnalǵan burysh ta bar.
Bólimde 12 adam qyzmet atqarady. Kópshiligi - zańger. Analitikter de jetkilikti. Olardyń mindeti - adamdardyń aryz-shaǵymdary men ótinish-usynystaryna analiz jasap, sol arqyly júieli problemalardy taýyp, sheshý joldaryn qarastyrý.
«2019 jyldyń 5 aiynda front-ofiste 1269 adam qabyldandy, olardyń 700-i –aimaqtardaǵy turǵyndar. Oblys ortalyqtaryna barǵanda bir kúnimdi tolyqtai halyqty qabyldaýǵa arnaimyn. Al, ekinshi kúni qoǵamdyq keńesterdiń, memlekettik emes uiymdardyń múshelerimen, sondai-aq shyǵarmashylyq hám ǵylymi intelligentsiiamen kezdesemin. Kóshpeli qabyldaýlar, óz kezeginde, máselelerge basqa jaǵynan kóńil aýdarýǵa, iaǵni olardy lokaldi tanýǵa kómektesedi. Bylaisha aitqanda, bul - fokýs-toptyń jumysy. Osy ótinishterden qandai da bir aimaqtaǵy júieli suraqtar men ózekti dúnielerge qatysty túsinik qalyptasady. Aitqanymdai, kelesi kúni bul túsinikter qoǵamdyq keńestermen, memlekettik emes uiym múshelerimen jáne intelligentsiiamen júzdesýden soń naqtylanyp, ornyǵa túsedi. Olar aimaqtaǵy basty máselerge toqtalady. Naqty qorytyndylardan soń ǵana Prezident atyna jazylatyn qyzmettik hatty daiyndai alamyz», - deidi Aida Balaeva.
Bólimde psihologtar da jumys isteidi. Ótinish bildirýshiler kúizelgen kezde oilaryn jinaqtap, qalypqa kelýge kómektesedi. Ol árine túsinikti jáit: adamdar bizdiń aldymyzǵa janyn jegidei jegen suraqtarmen, maza bermes oilarymen, ýaiym-qaiǵysymen keledi jáne Prezident Ákimshiligin ádilettilik taba alatyn sońǵy instantsiia retinde kóredi.
Qoǵamdyq qabyldaý kúnderi azamattarǵa tolyqqandy aqyl-keńes berý úshin barlyq memlekettik organdardyń ókilderi de keledi. Olardyń qatarynda ótinishterdiń kóp bóligin qaraityn sot jáne quqyq qorǵaý organdarynyń qyzmetkerleri ǵana emes, sonymen qatar ministrlikterdiń, túrli basqarmalar men departamentterdiń ókilderi de bar.
Odan bólek munda halyqty qabyldaý hattamasy júrgizilip otyrady. Bul - keiin bizge kelgen adamdarǵa jeke shyǵyp, máseleleriniń sheshilgenin anyqtaý úshin, al, eger suraq sheshilmegen bolsa, ony kún tártibinen túspeiinshe baqylaýda ustaý úshin qajet.
- Aita ketý kerek, bul jerde júieleý men saralap-suryptaýǵa asqan baiyppen qaraidy. Óitkeni ár ótinishtiń artynda adamnyń ómiri men taǵdyry jatyr, - deidi Aida Ǵalymqyzy. Al, suraqtar eleýsiz qalmas úshin olardy arnaiy albomda qyzyl jáne jasyl tústermen erekshelep boiap qoiady.
Ótinishter úsh jeli boiynsha túsedi - Prezidenttiń virtýaldy qabyldaý bólmesi, Elektrondyq úkimet jáne «Qazpochta» AQ. Al, Bólim osy baǵyttardyń barlyǵy boiynsha jumys júrgizedi jáne ótinish bildirgen adamdardyń kómek alǵanyn, bolmasa ne úshin naqty kómek kórsete almaitynymyzǵa tolyqqandy jaýap alǵanyn baqylaidy.
«Ókinishke orai, biz barlyq máseleni sheshe almaimyz. Bul – ásirese turǵyn úi alýǵa qatysty suraqtar. Mysaly, halyqtyń áleýmettik osal tobyna jatatyn azamattar úi suraidy, biraq ózderi tiisti kezekte turmaǵan bop shyǵady nemese tizimde bola tura, onyń asyqpai jyljitynyna, tipti, keibir adamdardyń kezekte zańsyz turǵanyn aityp, qynjylystaryn bildiredi. Asyly, bári de Zańǵa sáikes qandai da bir kezekte turǵan azamattar toby baryn, arnaiy júie men tártip baryn jáne úidiń jasalǵan tizimge bailanysty beriletinin túsiný qajet. Biz ózge turǵyndardyń quqyqtaryn buza almaimyz ǵoi», - dep naqtylady Balaeva.
Bólim qyzmetkerleri dármensiz bolatyn ekinshi kategoriia - zańdy kúshine engen sot úkimderi.
Front-ofister jumysynyń praktikalyq nátijeleriniń ishinen múmkindigi shekteýli adamdarǵa qatysty Eńbek jáne halyqty áleýmettik qorǵaý ministrligimen birlese otyryp qabyldanǵan sheshimdi ataýǵa bolady.
«Kóp aimaqta aryz-shaǵymdar men ótinishterdiń biraz bóligi múmkindigi shekteýli azamattar tarapynan túsip jatady. Biz olardyń bárin Eńbek jáne halyqty áleýmettik qorǵaý ministrligimen birge saraptap, taldaý jasaǵan edik. Bútin jol kartasy men ishki buiryqtar, sondai-aq áleýmettik portaldyń bólek atqarýy úshin qajet tehnikalyq jabdyqtardy satyp alýǵa jaýap beretin jeke kómekshilerdiń jumysyna tólem jasaý suraqtary qaraldy. Nátijesinde, bul - atalǵan toptaǵy adamdardyń tarapynan túsetin ótinishterdiń aitarlyqtai azaiýyna ákeldi», - dedi Prezident kómekshisi.
Budan bólek, naqty ortaǵa berý arqyly sanitarlyq-epidemiologiialyq qyzmettiń kópjyldyq problemalary sheshildi.
Árine, bólim jumysy bunymen bitpeidi. Jetistikter tek shyńdai túspek. Kelesi etap - qyzmetterdi ońtailandyryp, avtomattandyratyn «E-ótinish» aqparattyq júiesin engizý. Bólim meńgerýshisiniń aitýynsha, árbir qazaqstandyq ákimdikterde ornalasqan arnaiy terminaldar arqyly óz ótinishin barlyq memlekettik organdarǵa jetkize alady. Osynyń arqasynda «Halyq únine qulaq asatyn memleket» tujyrymdamasy júzege asady.
Atalǵan modýl jetildirildi. 2020 jyldyń alǵashqy jarty jyldyǵynda Nur-Sultan qalasynda aprobatsiiadan, iaǵni tekseristen ótedi. Test sátti ótse, ol el boiynsha engiziletin bolady.
Adamdardyń ártúrli suraq boiynsha onlain keńes alýy úshin bul aqparattyq júiege chat-bottar engizý de kózdelgen. Sonymen qatar Bólim bazasynda ortalyqtandyrylǵan sall-ortalyq qurylmaq. Tiisinshe, ol keńes berý jumystaryn telefon arqyly sheshýge kómektesedi. Alǵashqy jartyjyldyqtyń sońyna deiin ár aimaqta qoǵamdyq qabyldaý júrgiziletin dál osyndai front-ofis ashý kózdelgen.
Orys tilinen aýdarǵan "Ult portaly"
