Búgin Aqparat jáne qoǵamdyq damý ministri Aida Balaeva úkimettik emes uiym (ÚEU) ókilderimen qaiyrymdylyq jáne volonterlik, granttar týraly zań jobasynyń máselelerin talqylady, dep habarlaidy "Ult aqparat" ministrliktiń baspasóz qyzmetine silteme jasap.
Kezdesýge Soros-Qazaqstan Qory basqarmasynyń tóraǵasy A. Aidarqulova jáne Soros-Qazaqstan qory baǵdarlamalarynyń direktory B. Aiazbaeva, sondai-aq Adam quqyqtary jáne zańdylyqty saqtaý jónindegi Qazaqstan halyqaralyq biýrosynyń direktory E. Jovtis, kommertsiialyq emes quqyq suraqtary boiynsha sarapshy G. Kýjekeeva, Caspian University qoǵamdyq quqyq ǴZI direktory R.Podoprigora qatysty.
Ministr qaiyrymdylyq, volonterlik salalaryndaǵy memlekettik sharalar týraly, sondai-aq ÚEU-ny memlekettik qoldaý tetikterin jetildirý jóninde aityp berdi.
«Memleket basshysynyń volonter jylyn aiaqtaý aiasynda bergen tapsyrmalaryn, quqyq qoldaný tájiribesin taldaý, halyqaralyq tájiribe, sondai-aq, ÚEU, volonterlik jáne qaiyrymdylyq uiymdarynyń, Jumys toby músheleriniń usynystaryn eskere otyryp, Ministrlik azamattyq qoǵam ókilderimen birlesip, «Keibir zańnamalyq aktilerge volonterlik qyzmet, qaiyrymdylyq, memlekettik áleýmettik tapsyrys jáne úkimettik emes uiymdarǵa arnalǵan granttar máseleleri boiynsha ózgerister men tolyqtyrýlar engizý týraly» Zań jobasyn ázirledi», — dedi A.Balaeva.
Ol kezdesýdiń qatysýshylaryna zań jobasy 2021 jylǵa arnalǵan tiisti jumys josparyna engizilgenin, atalǵan josparǵa sáikes Úkimetke shilde aiynda, al Májiliske aǵymdaǵy jyldyń qyrkúieginde engizý josparlanǵanyn habarlady.
Kezdesýdiń qatysýshylary memleket pen úkimettik emes sektor arasyndaǵy ózara is-qimyldy odan ári damytýdyń ózektiligin rastady, sondai-aq usynylyp otyrǵan zań jobasyna qatysty normalar boiynsha óz usynystaryn aitty.
Búgingi pikir almasýda alynǵan usynymdar men usynystardy eskere otyryp, zań jobasyn pysyqtaý, jumys tobynyń otyrysyna engizý jáne memlekettik organdarmen kelisý josparlandy.
