Almaty oblysynda sýǵa shomylyp júrgen 10 jastaǵy balany aǵys jaǵadan alystatyp áketken. Oqiǵany baiqaǵan kýáger dereý qutqarýshylardy shaqyryp, bala aman-esen jaǵaǵa shyǵaryldy, dep habarlaidy ult.kz.
Tótenshe jaǵdailar ministrliginiń málimetinshe, oqiǵa Jambyl aýdanynyń Qarǵaly aýylyndaǵy jinaqtaýshy karerde bolǵan. Jeksenbi kúni 112 qyzmetine aralshyqta qalyp qoiǵan 2016 jyly týǵan balanyń ózdiginen jaǵaǵa jete almai otyrǵany týraly habarlama túsken.
Belgili bolǵandai, jasóspirim sýǵa shomylyp júrgen kezde aǵys ony kishigirim aralshyqqa alyp ketken. Sol jerden shyǵa almaǵan bala kómek suraǵan. Oqiǵany kórgen kýáger birden qutqarý qyzmetine habar bergen.
Oqiǵa ornyna jedel jetken TJM qutqarýshylary qutqarý sheńberiniń kómegimen balany jaǵaǵa evakýatsiialady. Balaǵa meditsinalyq kómek qajet bolmaǵan.
Tótenshe jaǵdailar ministrligi ata-analardy balalardy sý aidyndarynyń janynda qaraýsyz qaldyrmaýǵa shaqyryp, tótenshe jaǵdaida 112 nómirine habarlasý qajettigin eske saldy.
