Agroónerkásiptik ónimderdiń tranziti men tasymalyna shekteý qoiylmaidy. Bul týraly búgin Ortalyq kommýnikatsiialar qyzmetindegi brifingte QR Aýyl sharýashylyǵy ministri Saparhan Omarov aitty, dep habarlaidy QazAqparat.
«Ministrlik tarapynan áleýmettik azyq-túlikterdiń jetkilikti mólsherde bolýyna monitoring júrgizilýde. Jaǵdai birqalypty. Elimizde búgingi kúni áleýmettik taýarlar kólemi jetkilikti. Onyń barlyǵy qazirgi kezde ministrlikpen, Saýda ministrligimen, ákimdiktermen qatań baqylaýǵa alyndy», - dedi ol.
Ministrdiń aitýynsha, veterinarlyq jáne fitosanitarlyq qyzmetter barlyq saýda ornynda shtattyq rejimde jumys istep jatyr.
«Koronavirýsqa qarsy agroónerkásiptik ónimderdiń tranziti men tasymalyna qosymsha shekteýler búgingi kúni qoiylmaidy. Eýraziialyq odaq jáne úshinshi elderdiń kólikteriniń barlyq túrine ónerkásip ónimderin tasymaldaýǵa ruqsat berilgen. Biraq, úshinshi elder men Eýraziialyq odaq shekarasyndaǵy veterinarlyq jáne fitosanitarlyq beketterde baqylaý kúsheitilgen. Búgingi kúni elimizdiń shekarasynda 119 beket bar. Onyń 64-i Reseimen, 55-i Qyrǵyzstanmen, 50-i Túrikmenstanmen jáne Ózbekstanmen shekarada», - dedi Saparhan Omarov.
