QR Sybailas jemqorlyqqa qarsy is-qimyl agenttigi Preventsiia departamentiniń basshysy Anar Jarova sybailas jemqorlyq faktileri jii bolǵan ákimdikterdi jariialady, dep habarlaidy QazAqparat tilshisi.
«Ákimdikter men olardyń qurylymdyq bólimsheleri qyzmetkerleriniń arasynda jemqorlyq úshin sottalǵandardyń eń kóp sany Túrkistan jáne Shyǵys Qazaqstan oblystarynda kezdesedi – 37, sodan keiin Jambylda – 30, Aqmolada – 19, Almaty men Qostanaida – 15, Atyraý, Mańǵystaý jáne Qyzylorda oblystarynda – 14», - dedi Anar Jarova agenttiktiń baspasóz ortalyǵynda ótken brifingte.
Sonymen birge, spiker jergilikti atqarýshy organdardyń sybailas jemqorlyqqa kóbirek ushyraityn salalary týraly túsinik berdi.
«Monitoring kórsetkendei, jergilikti atqarýshy organdarda jemqorlyq qylmystar kóbinese bilim berý salasynda (54), jer qatynastary (29), aýyl sharýashylyǵy (27), sáýlet jáne qurylys (25), turǵyn úi-kommýnaldyq sharýashylyǵy (19) salalarynda jasalady», - dep atap ótti ol.
Sybailas jemqorlyqqa qarsy qyzmet oblystardyń jáne Nur-Sultan, Almaty, Shymkent qalalarynyń ákimdikterine atalǵan monitoring nátijelerin eskere otyryp, sybailas jemqorlyq qaýpi bar jergilikti atqarýshy organdardyń qyzmetine ishki taldaý júrgizýdi usynǵan.
