"Aǵaiyndy tórteý" uiymdasqan qylmystyq toby múshesiniń isi sotqa jiberildi, - dep habarlaidy kaz.tengrinews.kz Aqtóbe oblystyq prokýratýrasynyń apparat jetekshisi Jasulan Dáýlembaevqa silteme jasap.
"Uiymdasqan qylmystyq top jetekshisi Erkin Izbasar men taǵy basqa múshelerine qatysty qylmystyq is materialdary sotqa jiberildi", - dep jazdy Jasulan Dáýlembaev Facebook jelisindegi paraqshasynda.
Bul tulǵalarǵa QR Qylmystyq kodeksiniń 197-babynyń 4-bóligi 1,2-tarmaqtary ("Munaidyń jáne munai ónimderiniń shyǵarylý zańdylyǵyn rastaityn qujattarsyz olardy tasymaldaý, iemdený, ótkizý, saqtaý, sondai-aq munaidy qaita óńdeý") jáne 262-babynyń 2-bóligi ("Uiymdasqan top, qylmystyq uiym qurý jáne olarǵa basshylyq etý, sol siiaqty olarǵa qatysý") boiynsha kúdik kelip otyr.
Qylmystyq is boiynsha Ulttyq qaýipsizdik komiteti, Antikorrýptsiialyq qyzmet jáne Qazaqstan Respýblikasynyń Ishki ister ministrligi Aqtóbe oblystyq prokýratýrasynyń protsessýaldy prokýrorlarynyń jetekshiligimen jedel tergeý toby qurylǵan.
Eske sala keteiik, Erkin Izbasar Aqtóbedegi munai bazasynyń territoriiasynda iri arnaiy operatsiia júrgen kúni Almatyda ustalǵan bolatyn. Uiymdasqan qylmystyq toptyń liderimen birge onyń oqqaǵary men júrgizýshisi ustalǵan edi. Al keiinirek munai urlaýmen ainalysqan qylmystyq toptyń jetekshisi Aqtóbege UQK ushaǵymen jetkizilgen bolatyn. Izbasarovtiń aimaqtaǵy jat aǵymnyń jeteginde ketken jigitterdi óz paidasyna jumsap otyrǵany belgili bolǵan edi.
