Grekiiada kún qatty sýytyp ketti. «Medeia» tsiklonynyń áserinen kóptegen qalany, sonyń ishinde Afina men ejelgi antika mádenietiniń áigili eskertkishi Akropoldi qalyń qar basyp qaldy, dep habarlaidy BBC agenttigi.
Grekiianyń soltústik-batysyndaǵy Florina qalasynda temperatýra minýs 19 gradýsqa deiin tómendedi. Qalyń qardyń saldarynan eldegi kólik qozǵalysy toqtap qaldy. Osy sebepti halyqty koronavirýsqa qarsy vaktsinatsiialaýdy ishinara toqtatýǵa týra keldi.
Al Afinada temperatýra nólge deiin tómendedi, bul - Grekiia astanasy úshin erekshe qubylys. Kúnniń kúrt sýytýy saldarynan elde úsh adam óldi. Grekiianyń bosqyn lagerlerine jylytqyshtar, qalyń kórpeler jetkizildi.
Grekiianyń premer-ministri Kiriakos Mitsotakis jergilikti turǵyndardy úilerinen shyqpaýǵa shaqyrdy. «Energiiamen jabdyqtaý jumysyna qatty alańdap otyrmyz. Osy qiynshylyqtan ótý úshin bizge shydamdy bolý qajet. Mundai jaǵdai buryn-sońdy bolmaǵan», - dedi ol Úkimettiń shuǵyl otyrysy kezinde.
Ejelgi sáýlet óneriniń Afinadaǵy eń tanymal eskertkishteri qar astynda qaldy.
Meteorologtardyń aitýynsha, mundai qar sońǵy ret Afinada 2008 jyly jaýǵan.
