گرەكييادا كٷن قاتتى سۋىتىپ كەتتٸ. «مەدەيا» تسيكلونىنىڭ ەسەرٸنەن كٶپتەگەن قالانى, سونىڭ ٸشٸندە افينا مەن ەجەلگٸ انتيكا مەدەنيەتٸنٸڭ ەيگٸلٸ ەسكەرتكٸشٸ اكروپولدٸ قالىڭ قار باسىپ قالدى, دەپ حابارلايدى BBC اگەنتتٸگٸ.
گرەكييانىڭ سولتٷستٸك-باتىسىنداعى فلورينا قالاسىندا تەمپەراتۋرا مينۋس 19 گرادۋسقا دەيٸن تٶمەندەدٸ. قالىڭ قاردىڭ سالدارىنان ەلدەگٸ كٶلٸك قوزعالىسى توقتاپ قالدى. وسى سەبەپتٸ حالىقتى كوروناۆيرۋسقا قارسى ۆاكتسيناتسييالاۋدى ٸشٸنارا توقتاتۋعا تۋرا كەلدٸ.
ال افينادا تەمپەراتۋرا نٶلگە دەيٸن تٶمەندەدٸ, بۇل - گرەكييا استاناسى ٷشٸن ەرەكشە قۇبىلىس. كٷننٸڭ كٷرت سۋىتۋى سالدارىنان ەلدە ٷش ادام ٶلدٸ. گرەكييانىڭ بوسقىن لاگەرلەرٸنە جىلىتقىشتار, قالىڭ كٶرپەلەر جەتكٸزٸلدٸ.
گرەكييانىڭ پرەمەر-مينيسترٸ كيرياكوس ميتسوتاكيس جەرگٸلٸكتٸ تۇرعىنداردى ٷيلەرٸنەن شىقپاۋعا شاقىردى. «ەنەرگييامەن جابدىقتاۋ جۇمىسىنا قاتتى الاڭداپ وتىرمىز. وسى قيىنشىلىقتان ٶتۋ ٷشٸن بٸزگە شىدامدى بولۋ قاجەت. مۇنداي جاعداي بۇرىن-سوڭدى بولماعان», - دەدٸ ول ٷكٸمەتتٸڭ شۇعىل وتىرىسى كەزٸندە.
ەجەلگٸ سەۋلەت ٶنەرٸنٸڭ افيناداعى ەڭ تانىمال ەسكەرتكٸشتەرٸ قار استىندا قالدى.
مەتەورولوگتاردىڭ ايتۋىنشا, مۇنداي قار سوڭعى رەت افينادا 2008 جىلى جاۋعان.
