Foto: elements.envato.com
Atom elektr stantsiiasy boiynsha másele referendýmǵa shyǵarylmaidy. Bul týraly QR Energetika vitse-ministri Jandos Nurmaǵanbetov aitty, dep habarlaidy QazAqparat.
«Bul másele (AES qurylysy týraly) referendýmǵa shyǵarylmaidy. Birinshi másele stantsiiany ornalastyratyn jerge qatysty bolyp tur. Ekinshiden, tehnologiia men qarjylyq-ekonomikalyq model - mańyzdy taqyryp», - dedi Jandos Nurmaǵanbetov Senat otyrysynan keiin tilshiler suraǵyna jaýap bere otyryp.
Onyń aitýynsha, qazir osy salada jumys isteitin kompaniialardyń barlyǵy Qazaqstanmen yntymaqtastyqty damytýǵa talpynyp otyr. Atap aitqanda, jaqynda kelissózderge Ońtústik Koreiadan ókilder kelgen. Sonymen qatar, Qytai jaǵy da tiisti usynys jasaýy múmkin.
«Biz áli de AES salynatyn jer men qurylys jumystarynyń ýaqytyn naqtylaǵan joqpyz. Endi zańnamaǵa sáikes qoǵamdyq tyńdaýlar eskerilgen. Bizge jańa ministr keldi jáne osy máselemen ainalysyp jatyrmyz», - dedi vitse-ministr.
