Qazaqstandyq rejisser Ádilhan Erjanovtyń «Sary mysyq» kórkem filmi eki halyqaralyq baiqaýǵa qatysyp jatyr, dep habarlaidy "Ult aqparat" Qazaqfilm kinostýdiiasyna silteme jasap.
«Dostar, biz ótken jyly Venetsiia kinofestivalindegi premerasymen dúniejúzi kinokórsetilimder arqyly saltanatty sherýin bastaǵan Ádilhan Erjanovtyń «Sary mysyq» kórkem filminiń jańa jetistikteri týraly qýana habarlaimyz. Kinotýyndy 45-shi Gonkong Halyqaralyq kinofestivaliniń baǵdarlamasyna «Avtorlar» bólimine kirdi, sonymen qatar bedeldi reseilik «Nika» kinosyilyǵynyń «TMD, Baltyq Grýziia elderiniń úzdik filmderi» nominatsiiasyna usynyldy», delingen habarlamada.
«Bul úlken qýanysh pen abyroi, men bizdiń ujymnyń eńbegi eleýsiz qalmaǵanyna qýanyshtymyn. «Sary mysyqtyń» shyǵarmashylyq ujymyn filmniń kezekti jetistigimen quttyqtaimyn!» – dep jazdy filmniń rejisseri Ádilhan Erjanov Facebook-tegi paraqshasynda.
