قازاقستاندىق رەجيسسەر ەدٸلحان ەرجانوۆتىڭ «سارى مىسىق» كٶركەم فيلمٸ ەكٸ حالىقارالىق بايقاۋعا قاتىسىپ جاتىر, دەپ حابارلايدى "ۇلت اقپارات" قازاقفيلم كينوستۋديياسىنا سٸلتەمە جاساپ.
«دوستار, بٸز ٶتكەن جىلى ۆەنەتسييا كينوفەستيۆالٸندەگٸ پرەمەراسىمەن دٷنيەجٷزٸ كينوكٶرسەتٸلٸمدەر ارقىلى سالتاناتتى شەرۋٸن باستاعان ەدٸلحان ەرجانوۆتىڭ «سارى مىسىق» كٶركەم فيلمٸنٸڭ جاڭا جەتٸستٸكتەرٸ تۋرالى قۋانا حابارلايمىز. كينوتۋىندى 45-شٸ گونكونگ حالىقارالىق كينوفەستيۆالٸنٸڭ باعدارلاماسىنا «اۆتورلار» بٶلٸمٸنە كٸردٸ, سونىمەن قاتار بەدەلدٸ رەسەيلٸك «نيكا» كينوسىيلىعىنىڭ «تمد, بالتىق گرۋزييا ەلدەرٸنٸڭ ٷزدٸك فيلمدەرٸ» نوميناتسيياسىنا ۇسىنىلدى», دەلٸنگەن حابارلامادا.
«بۇل ٷلكەن قۋانىش پەن ابىروي, مەن بٸزدٸڭ ۇجىمنىڭ ەڭبەگٸ ەلەۋسٸز قالماعانىنا قۋانىشتىمىن. «سارى مىسىقتىڭ» شىعارماشىلىق ۇجىمىن فيلمنٸڭ كەزەكتٸ جەتٸستٸگٸمەن قۇتتىقتايمىن!» – دەپ جازدى فيلمنٸڭ رەجيسسەرٸ ەدٸلحان ەرجانوۆ Facebook-تەگٸ پاراقشاسىندا.
