Foto: ashyq derekkóz
«Ádilet» saiasi partiiasynyń qurylýy týraly jańalyq qoǵamda keń talqylanyp jatqan taqyryptardyń birine ainaldy. Bastamashyl toptyń uiymdastyrý komitetin qurý týraly málimdemesinen keiin, azamattar áleýmettik jelilerde jańa partiiaǵa qosylýǵa degen qyzyǵýshylyq pen niet bildirýde.
Áleýmettik jelilerdegi pikirlerge qaraǵanda, partiiaǵa qosylýǵa niet bildirgenderdiń arasynda jastar kóp, olar partiia arqyly eldi basqarýǵa qatysý úshin naqty múmkindik kórip, onyń bolashaǵyna úlken úmit artyp otyr.
Jas qazaqstandyqtar «Ádilet» partiiasynyń ádil joldy ustanbaq nietin erekshe atap ótýde. Azamattardyń qalaýy bir: óz oiyn bildirip jatqan kópshiliktiń aitýynsha, elge jańa saiasi mádeniet qajet, al ádildik kúndelikti tájiribege ainalýy tiis.
Partiiaǵa múshe bolýǵa daiyn ekenin bildirip jatqan azamattar kóp jáne de olar ár túrli áleýmettik toptardyń ókilderi – kásipkerler men stýdentterden bastap, tanymal tulǵalarǵa deiin.
Qazaqstandyqtar «Ádilet» partiiasyna eldiń jańa Konstitýtsiiasy aiasynda árbir azamattyń múddesin qorǵap, múmkindikterdiń teńdigin qamtamasyz etetin uiym retinde úlken úmit artyp jatyr. Áleýmettik jelilerdegi pikirlerge júrgizilgen taldaýdyń nátijesi «partiiaǵa qosylý úshin qaida qońyraý shalýǵa bolady?» degen suraqtyń jii kezdesip jatqanyn anyqtady.
Eske sala keteiik, 16 sáýirde «Ádilet» partiiasynyń uiymdastyrý komiteti bastamashyl toptyń atynan 700-den astam Qazaqstan Respýblikasynyń azamattarynan turatyn ótinishti Ádilet ministrligine resmi túrde tapsyrdy, barlyq qajetti qujattarmen birge saiasi partiia qurý týraly habarlama da jiberildi.
«Ádilet» partiiasynyń uiymdastyrý komiteti resmi túrde qyzmetin bastap, partiianyń quryltai sezin ótkizý boiynsha daiyndyq jumystaryna kiristi.
