«Ádilet» partiiasynyń respýblikalyq shtaby Túrkistan men Mańǵystaý oblystaryna saparynan soń batystaǵy taǵy bir mańyzdy óńir – Atyraýǵa at basyn tiredi. Shildeniń shilińgir ystyǵy 40 gradýsqa deiin jetken aimaqta partiia ókilderi eńbek ujymdarymen kezdesip, turǵyndardyń usynystaryn tyńdady. Qazaqstannyń batysynda ornalasqan Atyraý oblysy kórshiles Mańǵystaýdan ónerkásiptik áleýetimen erekshelenedi. Munda eldegi eń iri óndiris oryndarynyń biri – Atyraý munai óńdeý zaýyty (AMÓZ) ornalasqan. Qazaqstandaǵy úsh munai óńdeý zaýytynyń biri sanalatyn kásiporynnyń jumysy óńir úshin de, búkil el ekonomikasy úshin de mańyzdy. «Ádilet» partiiasynyń kandidattary Atyraý halqyna qurǵaq ýáde berý úshin emes, turǵyndarmen júzdesip, olardyń máselelerin talqylap, «Ádiletti bolashaq úshin» sailaýaldy baǵdarlamasyn tanystyrý úshin bardy.
Eńbek adamy úshin mańyzdy máseleler talqylandy
Delegatsiia músheleriniń Atyraýǵa jumys sapary Atyraý munai óńdeý zaýytynan bastaldy. Bul – eldegi alǵashqy munai óńdeý zaýyty ári ishki naryqty benzin, dizel otyny, aviaotyn jáne basqa da ónimdermen qamtamasyz etetin úsh iri kásiporynnyń biri. Munda jyl saiyn shamamen 5,5 mln tonna munai óńdeledi.
Degenmen AMÓZ – tek janarmai óndiretin zaýyt emes. Bul Qazaqstanda taza benzol men paraksilol shyǵaratyn jalǵyz kásiporyn. Atalǵan shikizat himiia ónerkásibinde, plastik, sintetikalyq talshyqtar men matalar óndirisinde qoldanylady. Dál osy jerde elimizde alǵash ret Teńiz ken ornyndaǵy kúrdeli munaidy óńdeý tehnologiiasy igerildi. Sondyqtan zaýytqa qatysty kez kelgen sheshim Atyraý oblysyna ǵana emes, el ekonomikasyna da tikelei áser etedi.
Sáikesinshe kezdesý barysynda qurǵaq saiasi uran emes, kúndelikti tynbai jumys istep júrgen eńbek adamdary úshin mańyzdy máseleler talqylandy. Elde jańa jumys oryndary ashyla ma? Eńbek jaǵdaiy ózgere me? Saladaǵy jas mamandarǵa kásibi damýǵa múmkindik bola ma? Talqylaýlar osyndai suraqtardyń ainalasynda órbidi.
Kandidattardyń aitýynsha, «Ádiletti bolashaq úshin» baǵdarlamasynda Atyraý oblysynyń erekshelikteri eskerilgen. Negizgi baǵyttardyń qatarynda munai-gaz himiiasy men óńdeýshi ónerkásipti damytý, otandyq servistik kompaniialardy qoldaý, iri jobalardaǵy qazaqstandyq qamtýdy arttyrý, jańa jumys oryndaryn ashý jáne eńbek adamdaryn áleýmettik qorǵaýdy kúsheitý mindetteri kózdelgen.
Ekologiia máselesi nazardan tys qalmady
Jumyspen qamtý máselesi salanyń keleshegine qatysty bolsa, al ekologiia – Atyraý turǵyndaryn alańdatyp otyrǵan ózekti taqyryptyń biri. Munai-gaz ónerkásibi damyǵan óńirde iri kásiporyndardyń qyzmeti qorshaǵan orta máselesimen qatar júredi. Tiisinshe óndiris kólemin arttyrýdan bólek, ekologiialyq qaýipsizdikti qamtamasyz etý máselesi de mańyzdy bolyp otyr.
Quryltai depýtattyǵyna kandidattardyń aitýynsha, partiia ekologiialyq tólemderdi paidalaný tásilin ózgertýdi usynyp otyr. Bul qarjy qai óńirden jinalsa, eń aldymen sol aimaqtaǵy ekologiiany qalpyna keltirýge jumsalýy kerek. Buǵan qosa partiia baǵdarlamasynda zamanaýi ekologiialyq standarttardy engizý jáne ónerkásiptik kásiporyndarǵa baqylaýdy kúsheitý máselesi de qarastyrylǵan.
Saladaǵy kadr tapshylyǵy – basty syn-qaterdiń biri
Kezdesýlerde kadr tapshylyǵy máselesine de erekshe nazar aýdaryldy. Kásiporyn ókilderi salaǵa jas injenerler men tehnikalyq mamandardy tartý jyl ótken saiyn qiyndap bara jatqanyn aitty.
Bul máselege qatysty «Ádilet» partiiasynan Quryltai depýtattyǵyna úmitker, belgili ǵalym, zań ǵylymdarynyń kandidaty Únzila Shapaq partiianyń sailaýaldy baǵdarlamasynda bul másele qamtylǵanyn atap ótti. Ol zertteýshilerdiń boljamyna súienip, aldaǵy jyldary Qazaqstan ekonomikasyna 400 myńnan astam maman qajet bolatynyn aitty.
«Eńbek naryǵynda jasandy intellekt mamany, derekter taldaýshysy, robototehnika injeneri, kiberqaýipsizdik mamany, tsifrlyq jobalar menedjeri, kontent-injener siiaqty jańa mamandar qajet bolady. Bizdiń mindetimiz – jastardy osy ezgeristerge daiyndaý, bilim berý júiesin ekonomika suranysyna beimdeý», – dedi Únzila Shapaq.
Munai óńdeýden mashina jasaý salasyna deiin
AMÓZ-den keiin shtab jumysy TEXOL vagon jasaý zaýytynda jalǵasty. Onda júk vagondary men temirjol tehnikasy shyǵarylady. Kásiporyn óńirdegi negizgi jumys berýshilerdiń biri jáne zamanaýi injenerlik quzyretter qalyptasatyn alań sanalady.
Kezdesý barysynda Qazaqstanda mashina jasaýdy damytý, otandyq óndirýshilerdi qoldaý, óndiristi jergiliktendirý jáne jańa jumys oryndaryn ashý máseleleri talqylandy.
Sondai-aq delegatsiia músheleri «Embimunaigaz» AQ kásipornyna da bardy. Bul – Qazaqstandaǵy ǵasyrdan astam tarihy bar eń kóne munai óndirýshi kásiporyndardyń biri. Júzdesýde qazirgi qyzmetkerlermen qatar, munai salasyna ómiriniń basym bóligin arnaǵan ardagerler de qatysty.
Quryltai depýtattyǵyna kandidattar Raýan Kenjehanuly, Únzila Shapaq, Janarbek Áshimjanov jáne Arman Hairýllin «Ádiletti bolashaq úshin» baǵdarlamasynyń negizgi baǵyttaryn tanystyryp, otandyq servistik kompaniialardy damytý, ónerkásipti tsifrlandyrý, memlekettik satyp alýdyń ashyqtyǵyn arttyrý jáne injenerlik bilimdi qoldaý sharalary týraly aitty.
Alaida jumys kúni munymen aiaqtalǵan joq. Tústen keiin respýblikalyq sailaýaldy shtab ókilderi Atyraý oblysynyń jastary, kreativti indýstriia ókilderi jáne qoǵam belsendilerimen kezdesti. Bul kezdesýlerde óńirdiń ózge de syn-qaterleri men damý múmkindikteri talqylandy.
Daiyndaǵan:
«Ádilet» partiiasynyń baspasóz qyzmeti.
«Ádilet» partiiasy» QB sailaý qorynyń qarajaty esebinen tólendi.
