Tynyshtyqty saqtaýdyń ýaqyt aralyǵy ózgergen joq. Bul týraly QR Ádilet ministrligi Zańnama depýrtamenti jobalaý jumysy basqarmasynyń basshysy Aziz Imanǵaliev málim etti, dep habarlaidy QazAqparat.
«Búginde tynyshtyqty buzýǵa bolmaityn ýaqyt aralyǵy ózgergen joq. Mundai norma Parlament Májilisiniń qaraýyndaǵy Halyq densaýlyǵy týraly kodekske ilespe zań jobasynda qamtylǵan. Onda Ákimshilik quqyq buzýshylyq týraly kodekstiń 437-babyndaǵy dispozitsiiasyn tolyqtai qarap shyǵý usynylady. Al jaqynda Prezident qol qoiǵan «QR Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Zańynda tek atalǵan bap boiynsha sanktsiialar qaita qaralǵan, iaǵni aiyppuldar somasy artty», - dep túsindirdi A. Imanǵaliev.
Budan buryn habarlanǵandai, Memleket basshysy «Qazaqstan Respýblikasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» Zańyna qol qoidy.
Atap aitqanda, tynyshtyqty buzý jaǵdaiynda jaýapkershilikti kúsheitý qadamdary 437-bapta eskerilgen. Iaǵni jeke tulǵalardyń qalypty demalysy men tynyshtyǵyna kedergi keltiretin, túngi ýaqytta (saǵat 23-ten tańǵy 6-ǵa deiin) tynyshtyqty buzý, onyń ishinde turǵyn úi-jailarda jáne olardyń syrtynda shuǵyl qajettilikpen bailanysy joq shý shyǵaratyn jumystardy júrgizýge bailanysty tiisti jazany qarastyryp otyr.
«...437-bapta: birinshi bóliktiń ekinshi abzatsy mynadai redaktsiiada jazylsyn: «jeke tulǵalarǵa – bes, shaǵyn kəsipkerlik sýbektilerine nemese kommertsiialyq emes uiymdarǵa – jiyrma, orta kəsipkerlik sýbektilerine – otyz, iri kəsipkerlik sýbektilerine bir júz ailyq eseptik kórsetkish mólsherinde aiyppul salýǵa alyp keledi», - delingen Memleket basshysy qol qoiǵan Zańda.
Osylaisha, tynyshtyq buzǵany úshin, onyń ishinde qaitalanyp jasalǵan áreketke jeke tulǵalarǵa aiyppul somasy ózgermegen, al kásipkerlik sýbektilerine shamamen eki esege artqan.
Aita keteiik, keibir internet BAQ-tar tynyshtyqty saqtaýdyń ýaqyt aralyǵy ózgergendigi týraly aqparatty taratqan bolatyn.
