Jańa qurylǵan Túrkistan oblysynyń turǵyndaryna qujattaryn ózgertýdiń qajeti joq. Bul týraly OKQ-de ótken brifingte Ádilet ministri Marat Beketaev málimdedi, dep habarlaidy Baq.kz tilshisi.
«Túrkistan oblysyna toqtalaiyn. Ádilet ministrligi jańa oblystyń qurylýyna bailanysty qosymsha shyǵyndar bolady dep josparlap otyrǵan joqpyz. Biz jańa oblystyń qurylýyna daiynbyz. Memlekettik organ retinde jáne mindetti jumystardy aqyldasyp júrgizetin mekeme retinde atalǵan Jarlyqqpen tanysqan bolatynbyz. Sondyqtan, daiyndyq jumystaryn júrgize bastadyq», - dedi ol Halyqqa esep berý kezdesýiniń qorytyndysy boiynsha ótken brifingte.
Sonymen qatar Marat Beketaev Túrkistan oblysynyń turǵyndaryna qujattaryn ózgertýdiń qajeti joq ekenin atap ótti.
«Jańa oblys turǵyndaryna qujattaryn ózgertýdiń qajeti joq. Zań boiynsha barlyq pasporttar men qujattar zańdy óz kúshinde qalady. Olar jospar boiynsha, iaǵni merzimi aiaqtalǵan soń, basqa qujattarǵa aýystyrylady», - dedi ministr.
