Aibek Dádebai «Ádilet» partiiasynda Saiasi keńestiń otyrysy ótip, onda uiymdyq damý, óńirlik qurylymdy nyǵaitý máseleleri men partiia jumysynyń aldaǵy baǵyttary talqylandy, dep habarlaidy ult.kz.
Partiia tóraǵasy Aibek Dádebai «Ádilet» partiiasynyń qurylýy qoǵamnyń ádildikke degen umtylysy men qazaqstandyqtardyń belsendi qoldaýynyń nátijesi ekenin atap ótti. Partiia músheleriniń aldynda qoǵamdyq bastamalardy, kásibi tájiribeni jáne belsendi azamattardy eldi damytý jolynda toptastyra otyryp, ortalyqta jáne óńirlerde tiimdi jumys júiesin qalyptastyrý mindeti tur.
Foto: «Ádilet» partiiasynyń baspasóz qyzmeti
«Búginde ádildik ideiasyn qoǵam barǵan saiyn keńinen qoldap kele jatqanyn kórip otyrmyz. Partiia tóńiregine eńbek adamdary, kásibi qaýymdastyq ókilderi, jastar men qoǵam qairatkerleri bas qosyp jatyr. Aldymyzda óńirlerde tiimdi uiymdar qurý, partiialyq basqarýdyń zamanaýi júiesin qalyptastyrý, partiianyń myqty saraptamalyq jáne kadrlyq áleýetin jasaqtaý mindeti tur. Eń bastysy — azamattardyń senimin aqtaýymyz kerek. Biz Memleket basshysynyń barlyq progressivti kúshterdi Ádiletti Qazaqstan ideiasynyń tóńiregine toptastyrý jónindegi úndeýin qoldaimyz jáne naqty bastamalar, ashyq dialog pen jaýapty jumys arqyly osy baǵytty iske asyrýǵa óz úlesimizdi qosýǵa daiynbyz», - dedi partiia tóraǵasy Aibek Dádebai.
Otyrysta 14 maýsym kúni Astanada ótetin partiianyń II sezine daiyndyq pysyqtalyp, partiialyq qurylymdy odan ári damytýǵa jáne óńirlerdegi jumysty jetildirýge qatysty birqatar uiymdastyrý máseleleri qaraldy.
Foto: «Ádilet» partiiasynyń baspasóz qyzmeti
Talqylaý barysynda Saiasi keńes músheleri partiia jumysynyń aldaǵy negizgi baǵyttaryn qoldady. «Ulttyq rýh» qoǵamdyq birlestiginiń tóraǵasy Aiat Súgirbai partiialyq qurylymdy nyǵaitý men óńirlerdegi jumysty damytýdyń mańyzyn atap ótti. Al saiasattanýshy Búrihan Nurmuhamedov qoǵamdy ádildik, jaýapkershilik jáne eldiń jasampaz damýy jolynda kúsh biriktirýdiń mańyzdylyǵyna toqtaldy.
Aita keteiik, partiia qoǵamdyq jáne kásibi birlestiktermen yntymaqtastyqty arttyryp, Ádiletti Qazaqstandy damytýǵa qatysty ózekti máseleler boiynsha jańa bastamalar ázirlep jatyr.
