Fýtboldan Qazaqstan quramasynyń bas bapkeri Magomed Adiev Ulttar ligasyndaǵy Slovakiiaǵa qarsy kezdesýden keiin oiyn týraly pikirimen bólisti, dep jazady Vesti.kz.
Ekinshi týrdaǵy Trnava qalasyndaǵy oiyn 1:0 esebimen Qazaqstan quramasynyń paidasyna aiaqtaldy.
- Birinshi kezekte osy stadionda bizdi qoldaýǵa kelgen jankúierlerge alǵys aitqym keledi. Biz olardy oiyn boiy estip turdyq. Keremet qoldady. Biz óz alańymyzda oinap jatqandai boldyq. Jankúierler bizge pikir jazyp ta qoldaýda. Men olardyń barlyǵyna raqmet aitqym keledi. Jeke óz atymnan jáne komandanyń atynan alǵys aitamyn. Qoldaýlaryńyzǵa taǵy da alǵys aitamyn. Bizdiń kei oilaǵandarymyz oidaǵydai shyqpai jatyr. Biraq komanda maqsatqa 100 paiyz jetý úshin tarysady, - dep bastady áńgimesin Adiev.
- Slovakiianyń oiynynda sizdi tańǵaldyrǵan dúnie boldy ma? Jalpy bul toptaǵy jaǵdai týraly aita ótseńiz...
- Qarsylas komanda týraly pikir bildirýdi durys dep eseptemeimin. Men ózimniń fýtbolshylarym týraly aitqym keledi. Degenmen suraǵan ekensiz, jaýap bere keteiik. Sizderdiń quramalaryńyz myqty. Sheber fýtbolshylar bar. Eýropadaǵy úzdik chempionattarda dop tebedi. Quramalaryńyzdyń bolashaǵy jarqyn dep esepteimin. Búgin jeńildińizder. Bul fýtbol. Ondai-ondai bolyp turady. Men báribir Slovakiiany osy toptyń fovariti dep esepteimin. Eshbir komandaǵa ońai bolmaidy. Sonyń ishinde óz alańymyzda ótkizetin kezdesýlerde de. Týrnir kestesinde áli eshteńe sheshilmedi. Endi ǵana eki týr ótti. Áli kóp nárse ózgerýi múmkin. Tek jaqsy nátije úshin oinaimyz. Ary qarai ne bolaryn kóremiz.
- Slovakiia quramasyn zerttegen shyǵarsyz. Búgin qarsylas sizdi tańǵaldyrdy ma?
- Árine, biz Belarýs quramasyna qarsy oiynnan keiin saraptama jasadyq. Deiturǵanmen, eshqandai bapker eki kúnniń ishinde úlken ózgeris jasamaidy. Sol quramnyń qaita shyǵatynyn kúttim. Solai boldy. Al sizderdiń quramalaryńyzdy kórgende, ózderine qatty senimdi ekenin baiqadym. Sondyqtan biz sizderdiń myqty tustaryńyzdy toqtatýǵa tyrystyq. Joǵaryda aitqan senimdilik, sizderge keri áserin tigizdi.
- Osy oiyn aldynda komandada qandai tapsyrma boldy? Osy týraly toqtala ketseńiz...
- Tapsyrma - jeńý boldy. Sosyn Asylan Darabaev gol soqsa eken dedik (kúlip). Bul týraly kóp áńgime aitýǵa bolady. Qarsylas oiynnyń kóp bóligin pozitsiialyq shabýylda ótkizetinin bildik. Sol sátte qatelikter jiberetinin kúttik. Qatelik jasady. Biz ony ońtaily paidalanyp, gol soǵyp, jeńiske jettik.
Aita keteiik, endi kelesi kezdesýin Qazaqstan quramasy Serbiianyń Novi-Sad qalasynda ótkizedi. Qarsylasymyz - Belarýs quramasy. Oiyn Nur-Sultan ýaqyty boiynsha 11 maýsym kúni ótedi.
