Biyl Abaidyń 175 jyldyǵyna orai halyqaralyq, respýblikalyq jáne aimaqtyq deńgeide 500-den astam is-shara uiymdastyrylady. Bul týraly Prezident Qasym-Jomart Toqaevtyń «Abai jáne HHI ǵasyrdaǵy Qazaqstan» atty maqalasynda aityldy, dep habarlaidy "Ult aqparat".
«Tamyz aiynda Semei qalasynda IýNESKO-men birlesip ótkiziletin «Abai murasy jáne álemdik rýhaniiat» atty halyqaralyq ǵylymi-praktikalyq konferentsiia eń basty sharaǵa ainalady. Sondai-aq, qazan aiynda Nur-Sultan qalasynda «Abai jáne rýhani jańǵyrý máseleleri» degen taqyrypta halyqaralyq konferentsiia ótedi. Bul jiyndarda Abaidyń tulǵasy men murasy jan-jaqty zerdelenip, onyń shyǵarmashylyǵyn HHI ǵasyrdaǵy jańa Qazaqstannyń igiligine paidalanýǵa jol ashylady», - delingen maqalada.
Memleket basshysy atap ótken mańyzdy jobanyń biri – uly aqynnyń shyǵarmalaryn on tilge aýdaryp, basyp shyǵarý. Atap aitqanda, Abai eńbekteri aǵylshyn, arab, japon, ispan, italian, qytai, nemis, orys, túrik, frantsýz tilderine tárjimalanady. Aqynnyń ómiri, murasy, qazaq mádenietin damytýdaǵy róli týraly birneshe derekti film jáne «Abai» teleserialy túsiriledi.
Sondai-aq, Memleket basshysy budan bylai ádebiet jáne óner salasyndaǵy úzdik shyǵarmalarǵa beriletin memlekettik syilyq endi Abai atyndaǵy memlekettik syilyq dep atalatynyn málim etti.
«Aqyn toiynan óner salasy da tys qalmaidy. Respýblikalyq jáne halyqaralyq deńgeide teatr jáne mýzyka festivalderi ótedi. Biylǵy báigeler Abai shyǵarmashylyǵyna arnalady. Ádebiet jáne óner salasyndaǵy úzdik shyǵarmalarǵa beriletin memlekettik syilyq endi Abai atyndaǵy memlekettik syilyq dep atalatyn bolady» dep jazdy Prezident.
Odan bólek, Qasym-Jomart Toqaev Abaidyń 175 jyldyǵy shetelderde de toilanatynyn jetkizdi: «Abaidyń tulǵasy men murasyn ulyqtaý shetelderde de jalǵasady. Reseidegi, Frantsiiadaǵy, Ulybritaniiadaǵy jáne basqa da memleketterdegi Qazaqstannyń elshilikteri janynan «Abai ortalyqtaryn» qurý josparlanyp otyr. Bul mádeni is-sharalardy ysyrapshyldyqqa jol bermei uiymdastyrý qajet».
