AQSh-tyń Florida shtatyna jaqyn jerde balyqshy Djeison Boill adam boiymen birdei alyp balyqty qarmaqpen ustady, dep habarlaidy Sputnik Kazakhstan Forthewin portalyna silteme jasap.
Jańa jyl qarsańynda Boill óziniń Instagram paraqshasynda alyp balyqtyń sýretin jariialap, "2019 jyldy sátti aiaqtadyq!" degen jazba qaldyrǵan. Hyporthodus nigritus tobyna jatatyn balyqtar 2,8 metrge deiin ósedi. Al salmaǵy 360 kelige deiin jetýi múmkin. Ony "Varshav teńiz alabuǵasy" dep ataidy.
Floridanyń balyq sharýashylyǵy jáne jabaiy tabiǵat boiynsha zertteý institýty da óziniń resmi paraqshasynda Boill men balyqtyń sýretin jariialady. Institýt mamandary alyp alabuǵanyń arnaiy baǵdarlama aiasynda zerttelip jatqan eń kári balyq ekenin de málimdedi.
Resmi aqparatqa sáikes, balyqshy ony 2019 jyly 29 jeltoqsan kúni 180 metr tereńdikte qarmaqpen ustap alǵan. Biologtar balyqtyń jasyn da eseptep shyǵardy. Ol, shamamen, 50 jasta.
Buǵan deiin Florida mańaiynda ustalǵan osy sanattaǵy balyqtyń eń úlken salmaǵy 198 keli bolǵan.
