«Adamdar úzdiksiz paidalanyp júrgen internet-servister tegin jáne paidasyz emes. Kóptegen adam olarsyz ómirin elestete almaidy», dep jazady nemistiń Die Welt basylymy.
Avtordyń aitýynsha, AQSh Ulttyq ǵylym akademiiasynyń jýrnalynda ekonomister júrgizgen zertteý nátijeleri jariialanǵan.
«Zertteý barysynda ǵalymdar adamdardyń belgili bir internet-qyzmetten bir aiǵa nemese bir jylǵa bas tartýy úshin olarǵa aqy tólegen. Eýropada júrgizilgen zertteý nátijeleri kórsetkendei, halyq WhatsApp, Facebook jáne kartografiialyq qyzmetten bas tartý úshin óte kóp aqsha suraǵan. Olar WhatsApp-tan bir aiǵa bas tartýǵa ortasha eseppen – 536 eýro, Facebook-tan - 97 eýro surasa, onlain-kartalardan bas tartý qunyn 59 eýroǵa baǵalaǵan.
Al AQSh azamattary izdeý júielerinen bas tartýǵa daiyn emes ekendikterin, qoldanystan shyǵarý qajet bolsa, ol úshin jylyna 17 530 dollar alatyndaryn jetkizgen. Odan keiingi orynda elektrondyq poshta (8414 dollar) jáne kartografiialyq qyzmetter (3648 dollar) tur.
