«ادامدار ٷزدٸكسٸز پايدالانىپ جٷرگەن ينتەرنەت-سەرۆيستەر تەگٸن جەنە پايداسىز ەمەس. كٶپتەگەن ادام ولارسىز ٶمٸرٸن ەلەستەتە المايدى», دەپ جازادى نەمٸستٸڭ Die Welt باسىلىمى.
اۆتوردىڭ ايتۋىنشا, اقش ۇلتتىق عىلىم اكادەميياسىنىڭ جۋرنالىندا ەكونوميستەر جٷرگٸزگەن زەرتتەۋ نەتيجەلەرٸ جارييالانعان.
«زەرتتەۋ بارىسىندا عالىمدار ادامداردىڭ بەلگٸلٸ بٸر ينتەرنەت-قىزمەتتەن بٸر ايعا نەمەسە بٸر جىلعا باس تارتۋى ٷشٸن ولارعا اقى تٶلەگەن. ەۋروپادا جٷرگٸزٸلگەن زەرتتەۋ نەتيجەلەرٸ كٶرسەتكەندەي, حالىق WhatsApp, Facebook جەنە كارتوگرافييالىق قىزمەتتەن باس تارتۋ ٷشٸن ٶتە كٶپ اقشا سۇراعان. ولار WhatsApp-تان بٸر ايعا باس تارتۋعا ورتاشا ەسەپپەن – 536 ەۋرو, Facebook-تان - 97 ەۋرو سۇراسا, ونلاين-كارتالاردان باس تارتۋ قۇنىن 59 ەۋروعا باعالاعان.
ال اقش ازاماتتارى ٸزدەۋ جٷيەلەرٸنەن باس تارتۋعا دايىن ەمەس ەكەندٸكتەرٸن, قولدانىستان شىعارۋ قاجەت بولسا, ول ٷشٸن جىلىنا 17 530 دوللار الاتىندارىن جەتكٸزگەن. ودان كەيٸنگٸ ورىندا ەلەكتروندىق پوشتا (8414 دوللار) جەنە كارتوگرافييالىق قىزمەتتەر (3648 دوللار) تۇر.
