Adam quqyqtary jónindegi ýákil kýáger retinde aiǵaqtar berýden bosatylady. Bul týraly Májilistiń jalpy otyrysynda tiisti zań jobasyn talqylaý kezinde Senaty tóraǵasynyń orynbasary Asqar Shákirov aitty, dep habarlaidy QazAqparat.
«Zań jobasyn daiyndaý kezinde halyqaralyq tájiribeni, eń aldymen Parij qaǵidattary men Venetsiia qaǵidattaryn muqiiat zerdeledik. Bizge sondai-aq alys jáne jaqyn shetelderdegi adam quqyqtary jónindegi ýákil qyzmetiniń zańnamalyq negizi men quqyq qoldaný tájiribesi paidaly boldy», - dedi A. Shákirov «Qazaqstan Respýblikasyndaǵy Adam quqyqtary jónindegi ýákil týraly» zań jobasyn qaraý barysynda.
Zań jobasy Parlament depýtattarynyń bastamasymen ázirlendi. Osy oraida ol zań jobasynyń negizgi erejelerine toqtaldy.
«Ýákildiń mártebesine, onyń qyzmetiniń qaǵidattaryna, iaǵni adam men azamattyń quqyqtary men bostandyqtarynyń múddesinde zańdylyq, ashyqtyq jáne táýelsizdik qaǵidattaryna erekshe mán beriledi. Adam quqyqtary jónindegi ýákilge onyń qylmystyq jaýaptylyǵyna nemese ákimshilik jaýapkershiligine qol suǵylmaýshylyq mártebesi beriledi. Osyǵan bailanysty ony jaýapkershilikke tartýdyń erekshe tártibi engiziledi. Sonymen qatar, ýákil kýá retinde aiǵaqtar berýden bosatylady», - dedi Senat tóraǵasynyń orynbasary.
Ýákildiń zańdy qyzmetine aralasqany nemese kedergi keltirgeni úshin jaýaptylyq engiziledi. Adam quqyqtary jónindegi ýákil laýazymynda bolýǵa bailanysty talaptar men shekteýler kózdeledi.
