Reseidegi ǴIǴA 2018 fýtboldan álem chempionatynyń kórsetkishi 2014 jylǵy álem chempionatyna qaraǵanda 16% artty. Bul jóninde Ortalyq kommýnikatsiialar qymetindegi fýtboldan álem chempionatynyń kórsetilimin qorytyndylaýǵa arnalǵan brifing barysynda «Qazaqstan» teleradiokorporatsiiasynyń basqarma tóraǵasy Erlan Qarin málimdedi, dep habarlaidy Baq.kz tilshisi.
«Fýtboldan álem chempionaty bul barlyq fýtbolsúier qaýym úshin sportálemindegi mańyzdy da, qýanyshty oqiǵalardyń biri. Ózderińiz biletindei, «Qazaqstan» jáne «Qazsport» telearnalaryn fýtbol oiyndarynyń barlyq 64 matchyn tolyǵymen tikelei efirde kórsetti. Reseidegi ǴIǴA 2018 fýtboldan álem chempionatynyń kórsetkishi 2014 jylǵy álem chempionatyna qaraǵanda 16% artty, iaǵni qyzyǵýshylyq artty. Onyń birqatar sebebi de bar. Birinshiden, oiyndardyń kórshiles Reseide ótýi bosla, ekinshiden álem chempionatynyń qyzyqty tartystarǵa toly bolýy. Sonymen, «Qazaqstan» telearnasynda eń kóp qaralǵan match Resei men Egipet arasyndaǵy oiynnyń úlesi 47,4%, al kórsetkishi 6,97% qurady. Sondai-aq, «Qazsport» telearnasynda kórsetilgen Resei men Horvatiia oiyny úzdikter qataryna kirip, 44,3% úlesimen 7,32% reitingtik kórsetkishke jetti», - dedi Qarin.
Onyń aitýynsha, eń tómengi reiting «Shveitsariia – Kosta-Rika» arasyndaǵy match bolǵan. Atalǵan kezdesýdiń úlesi 5,3% jetse, reitingisi 0,58% ǵana quraǵan.
«Sonymen qatar, árbir matchtyń ortasha aýditoriiasy shamamen jarty millionǵa jýyq kórermendi jinady. Sonyń ishinde, kórsetilim jaǵynan eń joǵarǵy kórsetkishke ie bolǵan Resei – Horvatiia oiyny boldy. LIVE rejiminde 339 455 adam tamashalady. Al, Resei – Saýd Arabiia oiynyn bar-joǵy 16 819 adam qaraǵan bolyp shyqty. Qazaqstan TV qosymshasy arqyly fýtboldy tamashalaýǵa múmkindik boldy jáne atalǵan qosymsha 263 511 ret júktelgen», - dedi basqarma tóraǵasy.
Teleradiokorporatsiiasynyń basshysy 2022 jyly Katarda ótetin fýtboldan álem chempionatyn transliatsiialaý quqyǵyna ie bolǵanyn atap ótti.
Eske sala ketsek, 14 maýsym men 15 shilde aralyǵynda Resei Federatsiiasynda ǴIǴA-2018 fýtboldan álem birinshiligi ótken bolatyn. Bul jarysqa álemniń eń tańdaýly 32 ulttyq quramasy qatysty.
