Álem chempionatynyń jartylai finalynda 110-shy minýtta aǵylshyndar horvattardyń jeńis golyn toilap jatqanyn paidalanyp, tezdetip esepti teńestirmek bolǵan. Bul epizod matchtyń resmi transliatsiiasynda kórsetilmedi, biraq ÁCh-2018 resmi Twitter-akkaýntynda jariialanǵan, dep habarlaidy RIA Novosti.
Horvattar jeńis golyn soqqannan keiin, aǵylshyndar alańnyń ortasyna betteidi. Qarsylastyń áli toilap jatqanyn kórip, Markýs Reshford pen Djessi Lingard oiyndy tez bastap, horvat qaqpasyna qarai umtylǵan. Alaida tóreshi olardyń bul áreketine tosqaýyl boldy.
Erejege sáikes, dopty alań ortasynan oiynǵa qosý úshin, oiyndy bastaityn komandanyń alańynda qarsylastyń birde-bir fýtbolshysy bolmaýy tiis. Aǵylshyndar horvattardyń Mario Mandjýkichti quttyqtaý úshin alańdy tastap ketkenin paidalanýǵa tyrysqan. Alaida Horvatiia quramasy oiynshylarynyń biri bul erejeni jadynda saqtap, Angliia alańynan ketpei turypty. Sóitip, aǵylshyndardyń bul qýlyǵy iske aspai qaldy.
Sársenbi kúni Horvatiia quramasy qosymsha berilgen ýaqytta Angliia komandasyn utyp, álem chempionatynyń finalyna ótken bolatyn. Kezdesý 2:1 esebimen aiaqtaldy.
15 shildede "Lýjniki" stadionynda aqtyq synda horvattar Frantsiia quramasymen kýbokqa talasady. Bir kún buryn Sankt-Peterbýrgte Angliia-Belgiia quramalary oinaidy.
