Bokstan Qazaqstan komandasynyń múshesi Abylaihan Júsipov Tokiodaǵy alǵashqy jattyǵý kúnderi qalai ótip jatqanyn aityp, shaǵyn suhbat berdi, dep jazady Olympic.kz.
«Tokio qalasyna kelip, olimpiadalyq aýylǵa ornalastyq. Munda sportshylarǵa kerekti dúnieniń bári de bar. Bar jaǵdai jasalǵan. Rio Olimpiadasyna da qatysqanymdy bilesizder. Eger salystyrmaly túrde qarasaq, eki eldegi uiymdastyrý deńgeii uqsas. Tokioda jattyǵýdy bastap kettik. Arnaiy trenajer zaly da bar eken.
Barlyq erejelerdi saqtap júrmiz. Kúnine birneshe ret PTR test tapsyramyz. Árine, bul azdap jalyqtyrady. Degenmen, barsha álem pandemiiamen kúresip jatqandyqtan, bul talapqa moiynsunamyz», - deidi Júsipov.
