Otandyq biznesti damytýda aýyl tirshiligi mańyzǵa ie. Bul pikirdi «Atameken» ulttyq kásipkerler palatasynyń basqarma tóraǵasy Abylai Myrzahmetov ortaǵa saldy, dep habarlaidy QazAqparat tilshisi.
«Jalpy alyp qarasaq, sýbsidiiasyz esh eldiń tirshiligi ónbeidi. Sebebi, agrarlyq ónerkásip kesheni óte aýyr salanyń biri. Ásirese, Qazaqstan úshin agrarlyq ónerkásip kesheni jai ǵana biznes emes, ol – ómir salty. Bul jerde aitarlyqtai áleýmettik másele jatyr. Iaǵni úlken biznestegi kásipkerler óz máselesin sheshýmen qatar, qyzmetkerlerin ustap qalýy kerek. Qazirgi tańda jastardy aýylda ustai almaisyń, olardyń qyzyǵy qala, internet degen sekildi. Bizdiń ómirimiz, transformatsiia tiisinshe bizdiń jastar sonyń izinen ketip jatyr. Sondyqtan da, biz úshin aýyl tirshiliginiń bolashaǵy mańyzdy bolyp otyr», - dedi Abylai Myrzahmetov «Baigenews.kz» aqparat agenttiginde ótken «20:21» jobasynyń tikelei efirinde.
Onyń aitýynsha, agrarlyq ónerkásip keshen baǵytynda qarjy tiimdi igerilýi tiis.
«Bul – basty suraq. Iaǵni kimge, qai salaǵa, ne úshin jáne qandai mehanizm úshin qarjynyń bólinip jatqany mańyzdy. Jáne taǵy bir mańyzdy jait, igerilgen qarjynyń qalai baqylanǵanyn eskergen jón», - deidi ol.
