Áleýmettik jeli arqyly tapsyrys qabyldap, saýda jasaýshylardyń reestrin qurý qajet. «Atameken» ulttyq kásipkerler palatasynyń basqarma tóraǵasy Abylai Myrzahmetov Úkimet otyrysynda osyndai usynys kóterdi, dep habarlaidy QazAqparat.
«Pandemiia elektrondy saýdany damytýdyń draiverine ainaldy. Másele aldaý sharalarynyń áleýmettik jelilerde damyǵandyǵynda – akkaýntty tegin ashý, anonimdilik, qandai da bir tirkeýdiń bolmaýy, sýbektiniń ornalasqan jerin belgileýdiń múmkin emestigi jáne osyǵan bailanysty ekonomikanyń osy bir kóleńkeli túrin tómendetýge qatysty áleýmettik jelilerde satýshylardyń tizilimin engizý túrinde quqyqtyq sharalar qabyldaý qajet dep sanaimyz. Tutynýshy satýshynyń eGov-taǵy reestri arqyly, onyń kim ekenin repýtatsiiasy qandai ekenin kóre alady. Bul da tutynýshynyń quqyǵyn qorǵaýǵa kómektesedi den senemiz», - dedi palatanyń basqarma tóraǵasy.
Onyń aitýynsha, áleýmettik jeli arqyly satylǵan taýardy qaitaryp berý, olardyń sapasy týraly máseleler zańda naqtylanýy kerek.
«Zań júzinde onlain platformalar men internet-dúkenderdiń tutynýshylaryna qatysty quqyqtardy qorǵaý jan-jaqty rettelgen. Alaida áleýmettik jelilerde tutynýshylardyń quqyqtaryn retteý men qorǵaýda úlken alshaqtyq bar. Tutynýshylar internet arqyly, atap aitqanda, áleýmettik jelilerde taýarlardy tóleý kezinde aldaýǵa jii tap bolady.
Elektrondyq saýdada tutynýshylardyń quqyqtaryn pármendi qorǵaý úshin azamattyq qoǵam memlekettik portaldarda, áleýmettik jelilerde satýshylardy erikti tirkeýdi engizýdi usynyp júr. Satýshy óziniń sáikestendirý nómirin áleýmettik jeli betinde kórsetýi kerek. Ony satyp alýshy belgili bir memlekettik portalda teksere alýy shart», - dedi Abylai Myrzahmetov.
