Abu Dhabi Plaza qurylysy jyl aiaǵyna deiin bitedi. Nur-Sultan qalasy Investitsiialar jáne kásipkerlikti damytý basqarmasy osyndai málimet taratty, dep habarlaidy "Ult aqparat".
«Nur-Sultan qalasy Investitsiialar jáne kásipkerlikti damytý basqarmasy «Abu Dhabi Plaza» nysanynda qazir qurylys-montajdaý jumysy kestege sáikes júrgizilip jatqanyn habarlaidy. Oryndalǵan jumystyń jalpy kólemi – 97%-dan asady. 2021 jyldyń sońyna deiin syrtqy jumystardy (qasbet jáne konstrýktsiia) tolyǵymen aiaqtaý josparlanyp otyr. Aita ketý kerek, ǵimarat ishinde árleý jumystary ary qarai da jalǵasa beredi», - delingen Nur-Sultan qalasy ákimdiginiń baspasóz qyzmeti usynǵan aqparatta.
Elorda ákimdiginiń baspasóz qyzmeti málimetinshe, Abu Dhabi Plaza qurylysynyń jobasy 6 bloktan turady.
Qazirgi ýaqytta paidalanýǵa berilgenderi:
• 2019 jyldyń jeltoqsanynda – P blogy ("Abý-Dabi Mall" saýda jáne oiyn-saýyq ortalyǵy);
• 2020 jyldyń naýryzynda – N1 blogy (14 qabatty Sheraton qonaqúii). 2020 jyly 12 qarashada Abu Dhabi Plaza N2 blogy;
• Z blogy paidalanýǵa berildi (turǵyn úi blogy).
Eske salsaq, «Abu Dhabi Plaza» - Orta Aziiadaǵy munara tipindegi eń iri keshen.
