Abý-Dabidiń mádeniet jáne týrizm departamentiniń arheologtary álemdegi eń ejelgi tabiǵi merýertti taýyp aldy, dep habarlaidy WAM agenttigi.
«Ábý-Dabi marjany» degen at berilgen merýert Marava aralyndaǵy neolit qonysynan bizdiń zamanymyzǵa deiingi 5800–5600 jyldar shamasynda paida bolǵan qatparlardyń arasynan tabylǵan. Bul jait BAÁ aýmaǵynda merýerttiń 8 myń jyl buryn da qoldanylǵanyn bildiredi.
Iaǵni, merýert neolit kezeńinde de baǵaly áshekei buiymdar qatarynda bolǵan.
Marava araly qundy arheologiialyq eskertkishterdiń biri sanalady.
Tarihi turǵydan alǵanda baǵa jetpes merýert Ábý-Dabi Lývrynda 2019 jyldyń 30 qazanynan 2020 jyldyń 18 aqpanyna deiingi aralyqta ótetin «Sán-saltanattyń 10 000 jyldyǵy» kórmesinde alǵash ret jurtshylyqqa kórsetiledi.
Aita keteiik, Ábý-Dabi marjany Sheih Zaid Ulttyq mýzeii kollektsiiasynda saqtalady.
