Parlament Senatynyń jalpy otyrysynda «Qazaqstan Úkimeti men BAÁ Úkimeti arasyndaǵy Qazaqstannyń Birikken Arab Ámirlikterindegi Elshiliginiń jáne BAÁ-niń Qazaqstandaǵy Elshiliginiń qajettilikterine Astana qalasynda jáne Ábý Dabi qalasynda jer ýchaskelerin óteýsiz paidalanýǵa ózara berý týraly kelisimdi ratifikatsiialaý týraly» Zańy qabyldandy, dep habarlaidy "Ult aqparat".
«Qazaqstan Respýblikasy men Birikken Arab Ámirlikteri 1992 jylǵy 1 qazanda diplomatiialyq qatynastar ornatylǵan sátten bastap yntymaqtastyqtyń barlyq salalaryn nyǵaitýda eleýli tabystarǵa qol jetkizdi. 2017 jylǵy 15 qańtarda Ábý Dabi qalasynda jasalǵan atalǵan kelisimdi ratifikatsiialaý ekijaqty yntymaqtastyqty odan ári jandandyrý jáne diplomatiialyq qatynastardy damytý úshin mańyzdy.
Zań jobasynyń qabyldanýy Qazaqstan Respýblikasynyń Birikken Arab Ámirlikterindegi jáne Birikken Arab Ámirlikteriniń Qazaqstan Respýblikasyndaǵy diplomatiialyq ókildikteriniń jumys isteýine qolaily jaǵdai jasaidy», - dedi Syrtqy ister ministri Muhtar Tileýberdi
Onyń aitýynsha, kelisimniń 1-babyna sáikes ámirlikter tarapyna Nur-Sultan qalasynda Táýelsizdik jáne R.Qoshqarbaev dańǵyldarynyń qiylysynda kólemi 26 147 sharshy metr jer ýchaskesi, al qazaqstandyq tarapqa Ábý Dabi qalasynda diplomatiialyq korpýs ornalasqan aýdanda kólemi 11 148 sharshy metr jer ýchaskesi 49 jyldyq merzimge óteýsiz paidalanýǵa, keiinnen osyndai merzimge uzartý shartymen beriledi.
«Budan basqa, QR Tuńǵysh Prezidenti – Elbasy N.Nazarbaevtyń BAÁ basshylyǵymen jeke dostyq qarym-qatynasynyń arqasynda 2010 jylǵy 19 qazanda Ábý Dabi ámirliginiń murager hanzadasy sheih Muhammed ben Zaid Ál Nahaian Qazaqstannyń BAÁ-degi Elshiliginiń qajettilikteri úshin óteýsiz jáne merzimsiz paidalaný úshin qosymsha 1 gektar jer ýchaskesin bólý týraly buiryq shyǵarǵan. Jobany qabyldaý teris áleýmettik-ekonomikalyq saldarǵa ákep soqtyrmaidy jáne respýblikalyq biýdjetten qosymsha qarjy qarajatyn bólýdi talap etpeidi», - dedi ministr.
