Áleýmettik jelilerden alynǵan
Muhtar Ábliazovtyń taǵy bir sybailasy Qazaqstanǵa óz erkimen qaitaryldy, - dep habarlaidy «Ult aqparat» Antikor málimetine silteme jasap.
"Sybailas jemqorlyqqa qarsy qyzmettiń basshylyǵymen vedomstvoaralyq jedel-tergeý toby "BTA Bank" AQ burynǵy top-menedjmentine qatysty uiymdasqan qylmystyq qoǵamdastyq quramynda jasalǵan aqshany, onyń ishinde shetelde jymqyrý jáne jylystatý deregi boiynsha qylmystyq isti tergeýdi jalǵastyryp jatyr.
Qylmystyq is boiynsha 2009 jyldan beri izdeýde júrgen Muhatar Ábliazovtyń taǵy bir sybailasy - Aleksei Vladimirovich Bogdanov Qazaqstanǵa óz erkimen qaitaryldy", - delingen habarlamada.
Ol Metropolitan Manageres Corp (BVI) offshorlyq kompaniiasynyń nominaldy ókili, "Belovod krahmal kombinaty" JAQ basqarma tóraǵasy jáne "Mais Agro" JShS mamany retinde banktiń 300 million teńgeden astam somaǵa aqsha qarajatyn jymqyrǵan.
"Kúdiktiniń jaqyn týystary jáne advokaty túsindirý jumystarynyń nátijeleri boiynsha Bogdanov Qazaqstanǵa oralýǵa jáne tergeýge járdemdesýge niet bildirip, ol týraly jazbasha ótinish joldady.
Biyl 15 mamyrda QR IIM Interpolynyń kómegimen Bogdanov Briýssel qalasynan (Belgiia) Almaty qalasyna keldi".
Kúdiktiniń erikti túrde oralýyn, kinásin tolyq moiyndaýyn jáne tergeýmen yntymaqtastyǵyn eskere otyryp, Bogdanovqa qatysty buryn sailanǵan qamaýda ustaý túrindegi bultartpaý sharasy kepilge ózgertildi.
Qazirgi ýaqytta kúdiktiniń qatysýymen tergeý áreketteri júrgizilip jatqany aityldy. Sotaldy tergeý jalǵasyp jatyr.
