Bokstan Germaniianyń Gambýrg qalasynda ótip jatqan Álem chempionatynda 75 kelige deiingi salmaqta synǵa túsken Ábilhan Amanqul kúmis júldege ie boldy.
Jerlesimiz finalda ýkrainalyq Aleksandr Hijniakpen judyryqtasyp, jeńilis tapty. Jiyrma jasar qazaq boksshysy osylaisha el quramasy qorjynyna besinshi júldeni saldy.
Atap aitsaq, Jomart Erjan (49 keli), Vasilii Levit (81 keli) jáne Abylaihan Júsipov (69 keli) qola júldege qol jetkizse, 56 kelige deiingi salmaqta synǵa túsken Qairat Eraliev álem chempiony atandy.
