Pavlodar oblysynyń ákimi ákimi Ábilqaiyr Ysqaqov oblystaǵy ekologiialyq máseleni sheshýdiń eki tásilin atap ótti, dep habarlaidy "Ult aqparat".
«Negizgi másele – lastaýshy zattardyń mólsheri. 2019 jyly ol 717 myń tonnany quraǵan, bul el ishindegi Pavlodar oblysynyń antirekordy», - dedi Pavlodar oblysynyń ákimi Ábilqaiyr Ysqaqov Estai atyndaǵy Mádeniet úiinde halyqqa esep berý kezinde.
Onyń pikiri boiynsha, jaǵdaidy jaqsartýdyń eki negizgi tásili bar.
«Birinshisi – eń ozyq qoljetimdi tehnologiialardy engizý. Eýropada osy tájiribe qoqystardy 94 paiyzǵa qysqartty, biz de sondai jetistikke jetýge tyrysamyz. Eń ozyq qoljetimdi tehnologiialardy engizgen mekemeler qorshaǵan ortaǵa emissiia tóleýden bosatylady; engizbegenderdiń mólsherlemesi arta beredi. Jaqynda jańa Ekologiialyq kodeks shyǵady: Ekologiia ministrligi eń ozyq qoljetimdi tehnologiialardy birinshi bolyp engizetin top-50 kompaniiany iriktep aldy, olardyń qatarynda –oblysymyzdaǵy ónerkásip mekemeleri bar.
Onyń aitýynsha, ónerkásip mekemelerimen birlesip aýdandaǵy qoqys kólemin qysqartýǵa barlyq múmkindik qarastyrylǵan.
«Ekinshi tásili – kógaldandyrý. Tabiǵat paidalanýshylary ózderiniń sanitarlyq zonalaryn qajetti normaǵa deiin kógaldandyrýy qajet. Aýdandaǵy 16 iri mekeme on paiyz jerdi de kógaldandyrmaidy! Bul ekologiialyq mádeniettiń tómen ekendigin kórsetedi», - dep atap ótti Á. Ysqaqov.
Pavlodar oblysynyń ákimi oblys turǵyndary men keler urpaqtyń densaýlyǵy úshin biznes-qaýymdastyq pen qarapaiym azamattar arasynda ekologiialyq mádenietti nasihattap, damytý kerek dep esepteidi.
