Pavlodar oblysynyń ákimi Ábilqaiyr Sqaqov óziniń orynbasary Aizada Qurmanovanyń qaramaǵyndaǵy qyzmetkerdiń sybailas jemqorlyqqa qatysty quqyq buzýshylyǵy úshin bergen otstavkasyn qabyldamady. Alaida oǵan qatań sógis jariialandy, dep habarlaidy "Ult aqparat" ákimdiktiń baspasóz qyzmetine silteme jasap.
Óńir basshysynyń orynbasary bilim berý, densaýlyq saqtaý, mádeniet, jastar saiasaty jáne halyqtyń áleýmettik osal toptarymen jumys siiaqty áleýmettik salalarǵa jetekshilik etedi.
Aita keteiik, Mádeniet, tilderdi damytý jáne arhiv isi basqarmasynyń burynǵy basshysyna qatysty úkim kúshine engennen keiin, «QR Memlekettik qyzmeti týraly» Zańǵa sáikes oblys ákiminiń orynbasary qaramaǵyndaǵy qyzmetkerdiń sybailas jemqorlyq quqyq buzýshylyǵy úshin otstavkaǵa ótinish bergen.
