Dmitrii Bivol (20-0, 11 KO) "Ýshataika" YouTube arnasyna bergen suhbatynda Saýl "Kanelo" Alvaresti (57-2-2, 39 KO) qalai sharshatyp tastaǵanyn aitty, dep habarlaidy Vesti.kz.
- Alvares erte sharshap qalǵandai kórindi. Jekpe-jektiń ekinshi bóligine taman - qiymylynda da, áreketinde de baiqaldy. Bul seni tańyrqatqan joq pa?
- Joq, mundaidy men onyń keiingi úsh aiqasynda da baiqaǵanmyn. Onyń jattyǵýyn qaitalap kórdim. Oiym: "Nege bulai, ne isteidi sonsha?". Ol qarsylasyna jaqyndap, bar kúshimen úsh soqqy jasaidy eken. Al osy kezde oǵan eshkim jaýap qaitarmaidy. Ol bir-eki ret tereń demalyp alyp, ary qarai urady. Móshektiń aldynda turyp, úsh ret bar kúshińmen urasyń - buǵan úlken qýat jumsalady. Eger soqqyń timei qalsa, odan kóp kúsh ketedi. Soqqy aýaǵa jasalsa, tipten kóp. Ol qarymta soqqy almaǵan kezde ózin jaily sezinetinin kórdim. Al osyndai bar kúshimen urǵannan keiin jaýap qaitarsań, ol abdyryp qalady, odan keiin tereń demala bastaidy. Ol aýyr soqqylar jasap, sharshap qalyp otyrdy. Árine bar kúshimen úsh soqqy jasaǵan soń demalyp otyrǵysy keldi, al men demalys bermei qarymta shabýyldap otyrdym.
