Memleket basshysy Qasym-Jomart Toqaev Ábdijámil Nurpeiisovke joǵary dárejeli erekshelik belgisi – "Qazaqstannyń Eńbek Eri" ataǵyn berý týraly Jarlyqqa qol qoidy, dep habarlaidy Aqordanyń baspasóz qyzmeti.
"Ulttyq ádebietti damytýdaǵy airyqsha eńbegi úshin jazýshy Ábdijámil Kárimuly Nurpeiisovke joǵary dárejeli erekshelik belgisi – "Qazaqstannyń Eńbek Eri" ataǵy berilsin", - dep jazylǵan qujatta.
Jarlyq qol qoiylǵan kúninen bastap qoldanysqa engiziledi.
Ábdijámil Nurpeiisov 1924 jyly 22 qazanda Qyzylorda oblysy, Aral aýdanynyń Úshkóń aýylynda týǵan. Qazaqstannyń Halyq jazýshysy, KSRO Memlekettik syilyǵynyń iegeri, Uly Otan soǵysy ardageri, qoǵam qairatkeri.
Ol – áigili "Qan men ter" trilogiiasynyń avtory. Onyń týyndylary 30 tilge aýdarylǵan.
2008 jyldyń kúzinde Aqtóbe qalasyndaǵy Abai saiabaǵynda "Qan men ter" týyndysyna arnalǵan músin ornatyldy. Eskertkishtiń biiktigi – 5 metr. Bul – Qazaqstandaǵy ádebi shyǵarma keiipkerlerine ornalǵan alǵashqy eskertkish.
