QR Syrtqy ister ministri Qairat Ábdiraxmanov jeti memlekettiń Qatarmen diplomatiialyq bailanystardy toqtatýyna qatysty pikir bildirdi, dep xabarlaidy QazAqparat tilshisi.
«Birqatar arab elderiniń Qatar memleketimen diplomatiialyq bailanystardy toqtatýyna bailanysty aitarymyz, Qazaqstan barlyq taraptardyń ymyraǵa kelip, ýshyǵyp turǵan jaǵdaidy sheshe alatynyna senedi. Biz barlyq taraptardy ustamdylyq tanytady dep úmittenemiz. Aldymen sol memleketterde turatyn xalyqty oilaý qajet. Sebebi diplomatiialyq bailanystar úzilse, eń birinshi jergilikti xalyq zardap shegedi. Sondyqtan biz barlyq memleketterdi osy problemany diplomatiia jolymen sheshýge úndeimiz», - dedi Ábdiraxmanov jýrnalisterge bergen suxbatynda.
Aita keteiik, keshe Saýd Arabiiasy, Bahrein, Birikken Arab Ámirlikteri, Mysyr, Iemen, Liviia men Maldiv araldary Qatarmen diplomatiialyq bailanystardy toqtatatynyn málimdedi. Arab elderi atalǵan memleketti ekstremistik toptarǵa qoldaý jasaidy dep kinálap otyr.
