Memleket jáne qoǵam qairatkeri Oralbai Ábdikárimov «Sheteldegi otandastardy memlekettik qoldaý týraly» Qazaqstan Respýblikasynyń zań jobasyna qatysty óz usynysyn bildirdi, dep habarlaidy QazAqparat.
«Qandastarǵa qatysty qujat jumystaryn ýaqtyly oryndamaǵan memlekettik organnyń qyzmetkerleri tiisti jaýapkershilikti kóterý kerek. Iaǵni, naqty shara qabyldamasaq, bul jaǵdai sozyla beredi. Úsh, tórt, bes jyl boiy azamattyq ala almai júrgen qandastardyń baryn bilemiz. Mine, ýaqyt sozbaý úshin tiisti mindetin durys atqarmaǵan jaýapty qyzmetkerlerdi jumystan bosatýǵa deiingi sharany Ákimshilik quqyqbuzýshylyq jónindegi kodekske engizý kerek. Sonda ǵana máseleni retteýge bolady dep oilaimyn. «Sheteldegi otandastardy memlekettik qoldaý týraly» Qazaqstan Respýblikasynyń zań jobasyn ázirlegende osy máselege nazar aýdarylsa deimin», - dedi Oralbai Ábdikárimov elordadaǵy «Otandastar qory» kommertsiialyq emes aktsionerlik qoǵamy janyndaǵy Qoǵamdyq komissiiasynyń otyrysynda.
Aita ketsek, búgin «Otandastar qory» kommertsiialyq emes aktsionerlik qoǵamy janyndaǵy Qoǵamdyq komissiiasy «Sheteldegi otandastardy memlekettik qoldaý týraly» Qazaqstan Respýblikasy Zań jobasyn talqylady. Jiyn barysynda «Otandastar qory» sheteldegi qandastarǵa Qazaq kartasyn Qazaqstannyń basqa memleketterdegi elshilikteri arqyly berýdi usyndy.
