مەملەكەت جەنە قوعام قايراتكەرٸ ورالباي ەبدٸكەرٸموۆ «شەتەلدەگٸ وتانداستاردى مەملەكەتتٸك قولداۋ تۋرالى» قازاقستان رەسپۋبليكاسىنىڭ زاڭ جوباسىنا قاتىستى ٶز ۇسىنىسىن بٸلدٸردٸ, دەپ حابارلايدى قازاقپارات.
«قانداستارعا قاتىستى قۇجات جۇمىستارىن ۋاقتىلى ورىنداماعان مەملەكەتتٸك ورگاننىڭ قىزمەتكەرلەرٸ تيٸستٸ جاۋاپكەرشٸلٸكتٸ كٶتەرۋ كەرەك. ياعني, ناقتى شارا قابىلداماساق, بۇل جاعداي سوزىلا بەرەدٸ. ٷش, تٶرت, بەس جىل بويى ازاماتتىق الا الماي جٷرگەن قانداستاردىڭ بارىن بٸلەمٸز. مٸنە, ۋاقىت سوزباۋ ٷشٸن تيٸستٸ مٸندەتٸن دۇرىس اتقارماعان جاۋاپتى قىزمەتكەرلەردٸ جۇمىستان بوساتۋعا دەيٸنگٸ شارانى ەكٸمشٸلٸك قۇقىقبۇزۋشىلىق جٶنٸندەگٸ كودەكسكە ەنگٸزۋ كەرەك. سوندا عانا مەسەلەنٸ رەتتەۋگە بولادى دەپ ويلايمىن. «شەتەلدەگٸ وتانداستاردى مەملەكەتتٸك قولداۋ تۋرالى» قازاقستان رەسپۋبليكاسىنىڭ زاڭ جوباسىن ەزٸرلەگەندە وسى مەسەلەگە نازار اۋدارىلسا دەيمٸن», - دەدٸ ورالباي ەبدٸكەرٸموۆ ەلورداداعى «وتانداستار قورى» كوممەرتسييالىق ەمەس اكتسيونەرلٸك قوعامى جانىنداعى قوعامدىق كوميسسيياسىنىڭ وتىرىسىندا.
ايتا كەتسەك, بٷگٸن «وتانداستار قورى» كوممەرتسييالىق ەمەس اكتسيونەرلٸك قوعامى جانىنداعى قوعامدىق كوميسسيياسى «شەتەلدەگٸ وتانداستاردى مەملەكەتتٸك قولداۋ تۋرالى» قازاقستان رەسپۋبليكاسى زاڭ جوباسىن تالقىلادى. جيىن بارىسىندا «وتانداستار قورى» شەتەلدەگٸ قانداستارعا قازاق كارتاسىن قازاقستاننىڭ باسقا مەملەكەتتەردەگٸ ەلشٸلٸكتەرٸ ارقىلى بەرۋدٸ ۇسىندى.
