ShQO, Qaraýyl aýylyndaǵy Abai mektep-gimnaziiasynyń oqýshysy Maǵjan Ǵaziz qora-qopsyny tazalap, malǵa jem-shópti ózi beretin qultemir jasap shyǵardy, dep habarlaidy Altaynews.kz.
Aýdan ákimi Tursynǵazy Músápirbekovtiń aitýynsha, byltyr aýdannyń birqatar mektebinde robot tehnikasy synyptary ashylǵan.
– Ótken jyly Semeidegi Shákerim atyndaǵy memlekettik ýniversitetiniń basshylyǵy Qaraýyldaǵy Abai mektep-gimnaziiasyna bes robot qurylǵysyn tartý etti. Qalǵan alty qurylǵyny aýdandyq biýdjettiń esebinen satyp aldyq. Biyl aýdandaǵy barlyq mektepte robot tehnikasy synyptaryn ashýdy josparlap otyrmyz, - deidi Tursynǵazy Músápirbekov.
Jas ónertapqyshtyń aitýynsha, ol jasaǵan qultemir mal sharýashylyǵyna qajetti barlyq sharýany ózi atqara alady.
– Qystyń qaqaǵan sýyǵynda ata-anam malǵa jemshóp berip, qinalyp júrgenin kórgende, olarǵa kómekteskim keldi. Sondyqtan osyndai qultemirdi jasap shyǵardym, - deidi Maǵjan Ǵaziz.
