شقو, قاراۋىل اۋىلىنداعى اباي مەكتەپ-گيمنازيياسىنىڭ وقۋشىسى ماعجان عازيز قورا-قوپسىنى تازالاپ, مالعا جەم-شٶپتٸ ٶزٸ بەرەتٸن قۇلتەمٸر جاساپ شىعاردى, دەپ حابارلايدى Altaynews.kz.
اۋدان ەكٸمٸ تۇرسىنعازى مٷسەپٸربەكوۆتٸڭ ايتۋىنشا, بىلتىر اۋداننىڭ بٸرقاتار مەكتەبٸندە روبوت تەحنيكاسى سىنىپتارى اشىلعان.
– ٶتكەن جىلى سەمەيدەگٸ شەكەرٸم اتىنداعى مەملەكەتتٸك ۋنيۆەرسيتەتٸنٸڭ باسشىلىعى قاراۋىلداعى اباي مەكتەپ-گيمنازيياسىنا بەس روبوت قۇرىلعىسىن تارتۋ ەتتٸ. قالعان التى قۇرىلعىنى اۋداندىق بيۋدجەتتٸڭ ەسەبٸنەن ساتىپ الدىق. بيىل اۋدانداعى بارلىق مەكتەپتە روبوت تەحنيكاسى سىنىپتارىن اشۋدى جوسپارلاپ وتىرمىز, - دەيدٸ تۇرسىنعازى مٷسەپٸربەكوۆ.
جاس ٶنەرتاپقىشتىڭ ايتۋىنشا, ول جاساعان قۇلتەمٸر مال شارۋاشىلىعىنا قاجەتتٸ بارلىق شارۋانى ٶزٸ اتقارا الادى.
– قىستىڭ قاقاعان سۋىعىندا اتا-انام مالعا جەمشٶپ بەرٸپ, قينالىپ جٷرگەنٸن كٶرگەندە, ولارعا كٶمەكتەسكٸم كەلدٸ. سوندىقتان وسىنداي قۇلتەمٸردٸ جاساپ شىعاردىم, - دەيدٸ ماعجان عازيز.
