2020 jyly Abaidyń 175 jyldyǵyna orai aqynnyń eki tomdyq jinaǵy qaita baslyp shyǵady. Bul týraly Abaidyń memlekettik «Jidebai-Bórili tarihi-mádeni jáne ádebi-memorialdyq mýzei-qoryǵy direktorynyń orynbasary Meiramgúl Qairambaeva málimdedi.
«Búginde «Abai álem tilderinde» degen jobany qolǵa aldyq. Abaidyń 175 jyldyǵynda jinaǵyn 6 tilde 2020 jyly shyǵaramyz dep otyrmyz. Osy dataǵa arnaiy Abai shyǵarmalarynyń 2 tomdyq jinaǵy qaita qaralyp, ishindegi keibir túsiniktemeler qaitadan jazylyp, baspaǵa daiyndalýda. Oǵan Abaidyń osyǵan deiingi jinaqtaryna ilinbei qalǵan azyn-aýlaq shyǵarmalary da kirgiziletin bolady. Bul jumystardy mýzei ujymy abaitanýshylarmen birlese daiyndap jatyr», - dedi Qairambaeva.
Qazirgi tańda qoryq-mýzei quramynda Semeidegi bas mýzei jáne «Alash arystary mýzeii, Jidebaidaǵy Abaidyń mýzei úii, «Shákárimniń saiat qorasy» mýzei ekspozitsiiasy, Abai-Shákárim kesenesi, M.Áýezovtyń «Bórili mýzei úii», abyz aqyn Shákir Ábenulynyń mýzei úii, Taqyrda Kóktai Jańabaiulynyń mýzeii, Áset Naimanbaiulynyń mýzei úii bar. Búginde mýzei-qoryqta 21 599 jádiger bar, onyń 12 285 – negizgi qorda. Ǵylymi kitaphana qorynda 13897 kitap bar.
Qairambaeva 2018 jyly Shákárimniń 160 jyldyq mereitoiy atap ótilgenin aitty. Osyǵan orai arnaiy shakarim.kz saity ashylǵan. Búginde mýzei tórt saitpen jumys isteidi.
