Abai Qunanbaiulynyń 1909 jyly Sankt-Peterbýrg qalasynda jaryq kórgen kitaby qaita qalpyna keltirildi, dep habarlaidy QazAqparat.
Qundy jinaqty Semei qalasynyń aimaqtyq kommýnikatsiialar qyzmetinde ótken baspasóz-konferentsiiasynda Abai mýzeiiniń ókilderi tanystyrdy.
«1909 jyly hakim qaitys bolǵannan keiin onyń alǵashqy jinaǵy basylyp shyqqan edi. Kitaptyń jaryq kórýine onyń uly Turaǵuldyń, nemere inisi Káketaidyń jáne «Alash» qozǵalysynyń jetekshisi Álihan Bókeihannyń úlesi zor bolǵan. Jinaq Nur-Sultan qalasyndaǵy qoljazbalar jáne sirek kezdesetin kitaptardyń ulttyq ortalyǵynda qaita qalpyna keltirildi. Ortalyq mamandary Semeige kelgende, bizdiń mýzeide biregei jinaqtyń bar ekenin bilip, ony restavratsiialaý týraly sheshim qabyldady. Osyǵan deiin kitaptyń muqabasy bolmai, ári biraz betteri jyrtylǵan edi. Qazir jańartylǵan jinaq mýzeige oraldy», - dedi mýzei direktorynyń orynbasary Meiramgúl Qairambaeva.
Kitap 120 betten turady. «Halyq týraly», «Mahabbat týraly» syndy bólimderge bólingen.
Jinaqqa Abaidyń júzge jýyq shyǵarmasy engen.
